Athro/Athrawes Saesneg in Porth

Mae Ysgol Gyfun Gymraeg Cwm Rhondda yn dymuno penodi Athro/Athrawes Saesneg brwdfrydig, medrus a thalentog i ymuno â thîm cefnogol ac uchelgeisiol o Fis Medi 2026. Cynigir datblygiad proffesiynol gan gynnwys cyfrifoldebau pellach i ymgeiswyr cryf, gyda thaliad CAD cysylltiedig (yn unol â chryfderau’r ymgeisydd ac yn rhan o drafodaethau’r swydd).

Ynglŷn â’r Adran Saesneg

Mae gan yr Adran Saesneg hanes cryf o lwyddiant ac mae’n ganolog i ddatblygu dysgwyr hyderus, huawdl ar draws Cyfnod Allweddol 3, TGAU a’r Chweched Dosbarth. Rydym yn falch o ddiwylliant cydweithredol lle mae staff yn rhannu arferion effeithiol, yn cefnogi ei gilydd ac yn datblygu’n broffesiynol yn barhaus.

Ynglŷn â’r ysgol

Mae gweledigaeth yr ysgol “Dyheu. Dysg. Daioni.” yn amlinellu ein hymrwymiad i ragoriaeth, tegwch a lles, ac mae’n tanategu pob agwedd o fywyd yr ysgol. Mae Cymreictod a pharch yn greiddiol i’n hethos: parch at ein hunain, parch at eraill a’n hamgylchfyd, a balchder yn ein hiaith, ein diwylliant a’n llwyddiannau ar y cyd.

Lleoliad a chyfleusterau

Mae’r ysgol yn gwasanaethu dalgylch eang ar draws Cwm Rhondda, gyda chysylltiadau rhwydd o fod wedi’i lleoli yn y Porth – tua 20 munud o Gaerdydd ac 20 munud o Ben-y-bont.

Ysgol Newydd i Ysgol Gyfun Gymraeg Cwm Rhondda:

Bydd yr ysgol hefyd yn elwa o ysgol newydd sbon yr 21ain Ganrif, yn dilyn buddsoddiad sylweddol gyda chefnogaeth Cyngor RhCT a Llywodraeth Cymru, a gwaith adeiladu eisoes ar y gweill.

Y rôl

• Bydd y ymgeisydd llwyddiannus yn addysgu Saesneg ar draws y cyfnodau allweddol perthnasol (CA3/CA4, a CA5 os yn briodol).
• Cyfrannu at gynllunio’r cwricwlwm a datblygu adnoddau addysgu o ansawdd uchel.
• Defnyddio asesu’n effeithiol i sicrhau cynnydd i bob dysgwr.
• Cyfrannu at welliant yr adran a bywyd ehangach yr ysgol.
• Cefnogi datblygiad llythrennedd a llafaredd dysgwyr.

Byddai profiad o addysgu i CA5 yn fanteisiol ond nid yn angenrheidiol.

Rydym yn chwilio am rywun sy’n:

• Ymarferydd dosbarth rhagorol gyda gwybodaeth bwnc gadarn.
• Gosod disgwyliadau uchel ac yn gallu ysgogi a herio dysgwyr.
• Ymrwymedig i gynhwysiant a lles dysgwyr.
• Gwerthfawrogi cydweithio a dysgu proffesiynol.
• Cyfrannu’n gadarnhaol at fywyd ac ethos yr ysgol.
• Ymrwymedig i addysg Gymraeg, ac yn hyrwyddo’r iaith Gymraeg a diwylliant Cymru.

Rydym yn arbennig o awyddus i glywed gan athrawon profiadol sy'n barod i ymgymryd â chyfrifoldebau ehangach a chyfrannu at ddatblygiad yr ysgol gyfan. Rydym hefyd yn croesawu ceisiadau gan athrawon newydd gymhwyso (ANG) sy'n dod â syniadau ffres ac angerdd dros addysg iaith a chyfathrebu.

Datblygiad proffesiynol

Darperir rhaglen gynhwysfawr o hyfforddiant a datblygiad proffesiynol, ynghyd â chyfleoedd datblygu ehangach o fewn yr ysgol.

Ymholiadau anffurfiol

Am drafodaeth anffurfiol am y rôl, cysylltwch â'r Prifathro Craig Spanswick drwy e-bost ar wefan yr ysgol neu gan ffonio'r ysgol.

Diogelu

Mae Ysgol Gyfun Gymraeg Cwm Rhondda wedi ymrwymo i ddiogelu a hyrwyddo lles plant a phobl ifanc. Bydd yr ymgeisydd llwyddiannus yn destun gwiriadau cyn-gyflogaeth priodol, gan gynnwys gwiriad DBS uwch a geirdaon boddhaol.

Dyddiad y cyfweliad: Dydd Mercher 20 Mai 2026

Safeguarding Statement

Ysgol Gyfun Cwm Rhondda is committed to safeguarding and promoting the welfare of children, young people and vulnerable adults and expects all staff and volunteers to share this commitment. We particularly welcome applications from under represented groups including ethnicity, gender, transgender, age, disability, sexual orientation or religion.