Amdanom ni
Mae’r Gwasanaethau Rheoliadol a Rennir yn chwilio am Swyddog Iechyd yr Amgylchedd brwdfrydig a llawn cymhelliant i ymuno â'n Tîm Gorfodi Tai a Rheoli Llygredd.
Fel rhan o wasanaeth amlddisgyblaethol sy'n cwmpasu Bwrdeistref Sirol Pen-y-bont ar Ogwr a Bro Morgannwg, mae'r tîm yn gyfrifol am swyddogaethau tai sector preifat, rheoli llygredd ac iechyd y cyhoedd. Mae hwn yn gyfle cyffrous i wneud gwir wahaniaeth i gymunedau lleol drwy helpu i ddiogelu iechyd y cyhoedd, gwella cyflwr tai a sicrhau cydymffurfiaeth â deddfwriaeth iechyd yr amgylchedd.
Ynglŷn â'r rôl
Manylion Tâl: Gradd Tâl 9
Oriau Gwaith / Patrwm Gwaith: 37 awr / 5 diwrnod yr wythnos / Hyblyg
Prif Lefel Gwaith: Pen-y-bont ar Ogwr a Bro Morgannwg
Disgrifiad:
- Rydym yn chwilio am Swyddog Iechyd yr Amgylchedd brwdfrydig, rhagweithiol a phroffesiynol i gynnal ymchwiliadau a gweithredu gorfodi effeithiol yn unol â deddfwriaeth iechyd yr amgylchedd perthnasol.
- Bydd yr ymgeisydd llwyddiannus yn gyfrifol am lwyth achosion amrywiol, gan ymgymryd ag ystod eang o weithgareddau gorfodi o fewn y swyddogaethau tai a diogelu'r amgylchedd.
- Bydd cyfrifoldebau allweddol yn cynnwys ymchwilio i gwynion statudol am faterion sy’n creu niwsans, gwella cyflwr tai yn y sector rhentu preifat, a sicrhau cydymffurfiaeth â deddfwriaeth berthnasol trwy gamau gorfodi anffurfiol a ffurfiol lle bo hynny'n briodol.
- Bydd deiliad y swydd yn gweithio gyda pherchnogion, datblygwyr a phartneriaid i ddod ag eiddo gwag, gan gynnwys rhai sydd wedi bod felly ers amser, yn ôl i ddefnydd, gan ddefnyddio pwerau gorfodi i gefnogi adfywio, y cyflenwad tai a chymunedau.
- Bydd deiliad y swydd hefyd yn darparu cyngor ac ymatebion ymgynghori arbenigol o ran iechyd yr amgylchedd mewn perthynas â cheisiadau Cynllunio a Thrwyddedu, gan gefnogi diogelu iechyd y cyhoedd a'r amgylchedd ehangach.
- Gan weithio'n agos gyda chydweithwyr, asiantaethau partner, landlordiaid, busnesau a thrigolion, byddwch yn cyflawni rôl bwysig yn y gwaith o wella safonau tai a diogelu iechyd a lles cymunedau lleol.
Amdanat ti
Rydym yn chwilio am unigolyn proffesiynol a llawn cymhelliant sy’n ymrwymedig at ddarparu gwasanaethau iechyd amgylcheddol o ansawdd uchel a gwella canlyniadau i gymunedau lleol.
Bydd angen i chi feddu ar y canlynol:
- Cymhwyster, gradd neu gymhwyster arall perthnasol i faes Iechyd yr Amgylchedd.
- Y gallu i weithio'n annibynnol, rheoli llwyth gwaith amrywiol a blaenoriaethu gofynion yn effeithiol.
- Sgiliau cyfathrebu a rhyngbersonol cryf, gyda'r gallu i weithio â chydweithwyr, sefydliadau partner, busnesau, landlordiaid a thrigolion.
- Hyder wrth ddehongli a gorfodi deddfwriaeth Iechyd yr Amgylchedd amrywiol mewn ffordd deg, cymesur a chyson.
- Sgiliau ymchwilio, dadansoddi a datrys problemau rhagorol, gyda'r gallu i ddefnyddio crebwyll proffesiynol cadarn.
- Y gallu i gynhyrchu adroddiadau, cofnodion cyfarfodydd a dogfennau gorfodi clir a chywir.
Byddwch yn gallu dangos:
- Gallu i weithio mewn ffordd sydd â ffocws ar y cwsmer o ran darparu gwasanaethau.
- Gallu i greu perthnasoedd gwaith effeithiol a gweithio fel rhan o dîm amlddisgyblaethol.
- Ymrwymiad i ddiogelu iechyd y cyhoedd, gwella safonau tai a chyflawni canlyniadau cadarnhaol i gymunedau.
Gwybodaeth Ychwanegol
Am Ragor o Wybodaeth, cysylltwch â: Helen Pembridge ar 07590 006436
Gweler y disgrifiad swydd / manyleb person atodedig am ragor o wybodaeth.
Swyddog Iechyd Amgylcheddol- 2 swyddi llawn-amser ar gael employer: Vale of Glamorgan Council
Vale of Glamorgan Council is an exceptional employer, offering a collaborative work culture that prioritises community impact and employee development. As an Asset Management Specialist, you will have the opportunity to contribute to meaningful projects while benefiting from professional growth opportunities and a supportive environment that values innovation and compliance.
