Gweithiwr Cymdeithasol Iechyd a Lles Flying Start - Dros Dro / Tymor Pennedig Mawrth 2028

Amdanom ni

Ydych chi'n angerddol am gefnogi iechyd meddwl a lles rhieni yn ystod blynyddoedd cynnar bywyd teuluol?

Mae Cyngor Bro Morgannwg yn chwilio am Weithiwr Cymdeithasol brwdfrydig a medrus i ymuno â'n Tîm Cymorth Rhieni Dechrau'n Deg fel Gweithiwr Cymdeithasol Iechyd a Lles.

Mae hwn yn gyfle cyffrous i weithio'n uniongyrchol gyda rhieni a gofalwyr, gan eu helpu i wella eu lles emosiynol, adeiladu gwytnwch, a datblygu'r hyder a'r sgiliau sydd eu hangen i oresgyn heriau bywyd. Trwy atal ac ymyrryd yn gynnar, byddwch yn chwarae rôl allweddol wrth gryfhau teuluoedd a chreu canlyniadau cadarnhaol a all gael effaith barhaol ar rieni a'u plant.

Rhaglen a ariennir gan Lywodraeth Cymru yw Dechrau'n Deg, sy'n rhoi cymorth targedig i deuluoedd â phlant rhwng 0 a 3 oed. Rydym yn cydnabod bod cefnogi iechyd meddwl a lles rhieni yn hanfodol i roi'r dechrau gorau posibl i blant mewn bywyd. Fel rhan o'n tîm amlddisgyblaethol profiadol a chefnogol, byddwch yn darparu ymyriadau ystyrlon sy'n grymuso teuluoedd ac yn hyrwyddo newid cadarnhaol.

Yn y swydd werth chweil hon, byddwch yn:

• Cefnogi rhieni sy'n profi heriau sy'n effeithio ar eu lles emosiynol, hyder, perthnasoedd, a bywyd teuluol.
• Darparu ymyriadau ar sail tystiolaeth, rhaglenni lles, a gweithgareddau grŵp sy'n hyrwyddo gwytnwch ac iechyd meddwl cadarnhaol.
• Adeiladu perthnasoedd ymddiriedol sy'n galluogi rhieni i nodi eu cryfderau a chyflawni eu nodau.
• Gweithio ar y cyd gyda chydweithwyr ac asiantaethau partner i sicrhau cefnogaeth holistaidd i deuluoedd.
• Helpu i leihau ynysu a chynyddu hyder, lles ac ymgysylltiad rhieni yn eu cymunedau.

Mae hwn yn gyfle gwych i Weithiwr Cymdeithasol profiadol sy'n angerddol am ymarfer ataliol ac sy'n credu yng ngrym ymyrraeth gynnar i drawsnewid bywydau.

Ynglŷn â'r rôl

Manylion Tâl: Gradd 8, PCG 26 – 30 £37,280 - £40,777 / Gradd 9, PCG 31 – 35 £41,771 - £46,142

Bydd y cyflog wrth benodi yn dibynnu ar gymwysterau a phrofiad fel y penderfynir gan y swyddog penodi. Nid oes cynnydd awtomatig o Radd 8 i Radd 9.

Oriau Gwaith/Patrwm Gwaith: 37 awr yr wythnos, dydd Llun i ddydd Gwener
Prif Weithle: Mae’r swydd wedi’i lleoli yn y Barri ond yn cynnwys gweithio ledled Bro Morgannwg

Rheswm am gynnig Swydd Dros Dro: Cyllid Llywodraeth Cymru tan 31.3.2028

Disgrifiad:
Darparu cymorth gwaith cymdeithasol ataliol i blant, pobl ifanc a'u teuluoedd neu ofalwyr gan ganolbwyntio'n benodol ar hyrwyddo iechyd meddwl a lles cadarnhaol.

Goruchwylio ymarferwyr eraill o fewn y Tîm Cymorth i Rieni.

Prif Gyfrifoldebau

• Rheoli llwyth achosion yn broffesiynol sy'n gyson â chyfrifoldebau a gradd, gan gynnwys gwaith 1:1 a hwyluso grŵp Iechyd a Lles ar gyfer rhieni
• Goruchwylio nifer bach o ymarferwyr o fewn y Tîm Cymorth i Rieni

• Gweithio mewn partneriaeth â gweithwyr proffesiynol ac asiantaethau ar draws Dechrau'n Deg, Teuluoedd yn Gyntaf, Iechyd Meddwl, y sector statudol, y trydydd sector ac asiantaethau annibynnol perthnasol.
• Darparu cymorth wedi ei dargedu i rieni o fewn y rhaglen Dechrau'n Deg.
• Creu, datblygu a chyflwyno grwpiau, gweithdai a gweithgareddau sy'n hyrwyddo Iechyd a Lles.
• Gweithio ar y cyd gyda theuluoedd, gweithwyr proffesiynol, ac asiantaethau partner i sicrhau cefnogaeth holistaidd.
• Cadw cofnodion cywir a chyfrannu at gynllunio a gwerthuso gwasanaeth.
• Hyrwyddo cynhwysiant a chydraddoldeb ym mhob agwedd ar ddarparu gwasanaethau.

Amdanat ti

Bydd angen y canlynol arnoch:

• Gradd mewn Gwaith Cymdeithasol neu gymhwyster cyfatebol cydnabyddedig (DipSW, CQSW ac ati.)
• Wedi cofrestru gyda Gofal Cymdeithasol Cymru (neu'n gymwys i gofrestru).
• Tystiolaeth o ddatblygiad proffesiynol parhaus sy'n berthnasol i iechyd meddwl neu ymyrraeth gynnar.
• O leiaf 2 flynedd o brofiad o waith cymdeithasol ar ôl cymhwyso ym maes iechyd meddwl, iechyd meddwl amenedigol, ymyrraeth gynnar, neu leoliadau cymorth i deuluoedd.
• Profiad o gyflwyno ymyriadau strwythuredig un i un neu grŵp sy'n hyrwyddo lles a gwydnwch.
• Profiad o gyflwyno rhaglenni rhianta, lles neu iechyd meddwl sy'n seiliedig ar dystiolaeth.
• Dealltwriaeth gref o Weithdrefnau Diogelu Cymru a deddfwriaeth diogelu sy'n berthnasol i blant a theuluoedd.
• Y gallu i reoli llwyth achosion amrywiol a heriol wrth gynnal safonau ymarfer o ansawdd uchel.
• Y gallu i gydweithio â gweithwyr proffesiynol ar draws meysydd iechyd, addysg a gofal cymdeithasol.
• Wedi ymrwymo i ymarfer sy’n ystyriol o drawma, sy’n seiliedig ar gryfderau ac sy’n canolbwyntio ar yr unigolyn.
• Gwydn, hunangymhellol ac yn canolbwyntio ar ddatrysiadau.

Gwybodaeth Ychwanegol

Gwiriad GDG yn Angenrheidiol: Manwl gyda Rhestrau Gwahardd Oedolion/Plant
Dyddiad creu rhestr fer: Hydref 2026
Dyddiad cyfweld: Tachwedd 2026
Am fwy o wybodaeth, cysylltwch â: Jo Card – Rheolwr Tîm Cefnogi Rhieni – jccard@valeofglamorgan.gov.uk, 01446 732180

Gweler y disgrifiad swydd / manyleb person atodedig am fwy o wybodaeth.