Tir Natur yw'r unig elusen yng Nghymru sydd wedi ymroi'n llwyr i ailwylltio. Rydym yn gweithio i adfer natur ar raddfa'r dirwedd, gan ddatblygu model sydd wedi'i wreiddio mewn cymunedau lleol ac yn niwylliant Cymru ac wedi'i lywio gan Egwyddorion Ailwylltio'r IUCN.
Ar ôl pedair blynedd o ddatblygu, mae Tir Natur wedi sicrhau 1,195 erw o dir yng Nghwm Doethïe a chyllid i sefydlu safle ailwylltio cyntaf Cymru ar raddfa'r dirwedd. Rydym bellach yn cychwyn ar y gwaith o gyflawni ac yn chwilio am Brif Weithredwr i arwain yr elusen drwy'r cam nesaf pwysig hwn.
I ddechrau, bydd y Prif Weithredwr yn cryfhau systemau'r sefydliad, capasiti'r tîm a'n ffordd o fesur effaith, gan sicrhau bod gennym y sylfeini sydd eu hangen i gyflawni'n effeithiol ac yn cynaliadwy. Gan adeiladu ar hyn, bydd yn arwain ar ddatblygiad tymor hirach yr elusen drwy sicrhau buddsoddiadau, meithrin partneriaethau strategol a datblygu model y gellir ei efelychu ar gyfer ailwylltio ar raddfa'r dirwedd ledled Cymru.
Mae hwn yn gyfle cyffrous i siapio elusen sy'n tyfu, gan ddylanwadu ar syniadau nid yn unig am sut caiff tir ei reoli, ond hefyd sut gall natur a chymunedau lleol ffynnu gyda'i gilydd.
Bydd yr ymgeisydd llwyddiannus yn cyfuno arweinyddiaeth sefydliadol ymarferol gydag ymroddiad i ailwylltio, sgiliau cryf mewn meithrin perthnasau, a dealltwriaeth o gyd-destun diwylliannol a gwleidyddol cefn gwlad Cymru.
Mae Cymraeg llafar rhugl yn hanfodol. Mae’r rôl yn un o bell yng Nghymru, gan deithio’n rheolaidd i Gwm Doethïe a lleoliadau eraill yn ôl yr angen.
Blaenoriaethau Allweddol
- 1. Adeiladu sefydliad effeithiol sy'n gweithio i wneud gwahaniaeth Sefydlu'r systemau, y prosesau a'r capasiti angenrheidiol o fewn y tîm i gyflawni'n effeithiol, sicrhau atebolrwydd clir a mesur effeithiau ecolegol a chymunedol yn drylwyr.
- 2. Sicrhau cynaliadwyedd ariannol a galluogi twf Gweithio gyda'r Rheolwr Codi Arian a'r Bwrdd i sicrhau amrywiaeth o ffynonellau incwm, cryfhau'r biblinell gyllid, bodloni ymrwymiadau ariannol a datblygu model cynaliadwy ar gyfer ailwylltio ar raddfa'r dirwedd.
- 3. Datblygu partneriaethau a dylanwad Meithrin perthnasoedd o ymddiriedaeth gyda chymunedau, rheolwyr tir, cyrff cyhoeddus, cyllidwyr a phartneriaid strategol. Cynrychioli Tir Natur, gan godi proffil ailwylltio a'i gyfraniad at natur, gwytnwch hinsawdd a lles cymunedau.
- 4. Arwain ar y cam nesaf yn natblygiad Tir Natur Trosi uchelgais hirdymor yr elusen yn gynlluniau ymarferol, gan gryfhau'r gwaith o gyflawni yng Nghwm Doethïe a datblygu cyfleoedd ar gyfer dylanwadu'n ehangach ar raddfa'r dirwedd ar draws Cymru.
Dyddiad cau: Diwedd dydd Iau 19 Tachwedd
Ymweliad safle (dewisol): Dydd Sadwrn 21 neu ddydd Sul 22 Tachwedd
Cyfweliad Cam 1: Dydd Iau 26 Tachwedd (lleoliad i'w gadarnhau)
Cyfweliad Cam 2: Dydd Mawrth 1 Rhagfyr ar safle Tir Natur
#J-18808-Ljbffr
