Research Technician

Mae swydd Technegydd Ymchwil a ariennir gan Sefydliad Ymchwil Dementia'r DU (DRI) ar gael yng ngrŵp ymchwil yr Athro Paul Morgan a Dr Nikoleta Daskoulidou, yn Sefydliad Ymchwil Dementia’r DU yn Ysgol Meddygaeth Prifysgol Caerdydd, sydd wedi'i lleoli ar gampws Cathays. Bydd y rôl hon yn cynnwys cefnogi astudiaethau o archwilio camweithrediad oligodendrocyte a cholli myelin mewn clefyd Alzheimer gan ddefnyddio modelau llygod a meinweoedd ymenyddiau post-mortem dynol. Bydd yr ymgeisydd llwyddiannus yn cyfrannu at ymchwil sy'n archwilio sut mae camreoleiddio'r system ategol yn cyfrannu at ddifrod myelin mewn niwroddirywiad, gyda'r nod o nodi mecanweithiau a thargedau therapiwtig newydd.

Bydd y rôl yn cynnwys amrywiaeth o ddulliau arbrofol, gan gynnwys imiwnohistocemeg, microsgopeg cydffocal, technegau bioleg foleciwlaidd a chellog, microsgopeg electronau trawsyrru (TEM) a dadansoddi meinweoedd o ymenyddiau llygod a phobl. Rydym yn chwilio am unigolyn brwdfrydig iawn gyda BSc mewn niwrowyddoniaeth, imiwnoleg, y gwyddorau biofeddygol neu ddisgyblaeth gysylltiedig, neu brofiad ymchwil cyfatebol. Mae'r gwaith yn cwmpasu amrywiaeth eang o feysydd ymchwil, gan gynnwys bioleg foleciwlaidd, biocemeg, niwrowyddoniaeth, bioleg y gell, ac imiwnoleg. Bydd gan yr ymgeisydd llwyddiannus brofiad sylweddol mewn o leiaf un o'r meysydd hyn. Byddai profiad mewn histoleg, microsgopeg, niwrobioleg, neu dechnegau imiwnolegol yn fanteisiol.

Bydd yr ymgeisydd llwyddiannus yn dangos parodrwydd i ddatblygu sgiliau ac i weithio gyda thîm sy'n cynnwys staff ôl-ddoethurol, myfyrwyr PhD, MSc a myfyrwyr israddedig. Bydd sgiliau cyfathrebu, rheoli amser a hunangymhelliant rhagorol yn hanfodol ar gyfer y swydd hon. Cysylltwch â Dr Nikoleta Daskoulidou os oes gennych ymholiadau anffurfiol am y rôl hon.

Swydd amser llawn (35 awr yr wythnos) yw hon sydd ar gael ar unwaith am gyfnod penodol tan 28 Chwefror 2027. Cyflog: £33,951 hyd at £36,636 y flwyddyn (Gradd 5). Mae Prifysgol Caerdydd yn cynnig pecyn buddion gwych, sy’n cynnwys 45 diwrnod o wyliau blynyddol (gan gynnwys gwyliau banc), cynllun pensiwn lleol, cynllun beicio i'r gwaith a chynlluniau teithio eraill, cynyddrannau blynyddol ar hyd y raddfa gyflog, a mwy. Dyma le cyffrous a bywiog i weithio ynddo, lle ceir llawer o heriau gwahanol. Rydym hefyd yn falch o gefnogi’r Cyflog Byw.

Dyddiad hysbysebu: Dydd Mercher, 6 Mai 2026. Dyddiad cau: Dydd Gwener, 22 Mai 2026. Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran.

Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu swydd. Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Diben y Swydd
Cefnogi'r Brifysgol yn y tîm Ategu a’r Ymennydd yn Sefydliad Ymchwil Dementia'r DU, cyflawni gwaith cefnogol, darparu cyngor, arweiniad a chefnogaeth, ac arwain prosiectau yn y maes hwn.

Dyletswyddau a Chyfrifoldebau

• Rhoi cyngor ac arweiniad proffesiynol ar brosesau a gweithdrefnau’r tîm Ategu a’r Ymennydd yn Sefydliad Ymchwil Dementia’r DU i gwsmeriaid mewnol ac allanol, gan ddefnyddio crebwyll a chreadigrwydd i awgrymu'r camau gweithredu gorau pan fo'n briodol, yn ogystal â gwneud yn siŵr bod materion cymhleth a chysyniadol yn cael eu deall.
• Ymchwilio a dadansoddi materion penodol o fewn y tîm Ategu a’r Ymennydd yn Sefydliad Ymchwil Dementia'r DU, gan greu adroddiadau argymhellion, wedi'u cefnogi gan ddatblygiadau yn y tîm Ategu a’r Ymennydd yn Sefydliad Ymchwil Dementia'r DU.
• Sicrhau bod y tîm Ategu a’r Ymennydd yn Sefydliad Dementia’r DU yn darparu i’r sefydliad, gan newid y ddarpariaeth yn rhagweithiol yn unol â gofynion y cwsmer.
• Cydweithio ag eraill i argymell ffyrdd o ddatblygu prosesau a gweithdrefnau sefydledig.
• Meithrin perthynas waith ag unigolion cyswllt allweddol, gan greu cysylltiadau cyfathrebu priodol ag Ysgolion/Cyfarwyddiaethau'r Brifysgol a chyrff allanol yn ôl yr angen.
• Creu gweithgorau penodol gan gydweithwyr ar draws y Brifysgol i gyflawni amcanion Sefydliad Ymchwil Dementia'r DU.
• Goruchwylio timau prosiect penodol o bryd i'w gilydd i gyflawni amcanion allweddol.
• Datblygu a chyflwyno hyfforddiant yn y tîm Ategu a’r Ymennydd yn Sefydliad Ymchwil Dementia'r DU.
• Cyflawni ystod o ddyletswyddau gweinyddol i gefnogi'r adran.
• Cyfarwyddo a thywys gweithwyr eraill ar draws y Brifysgol yn y tîm Ategu a’r Ymennydd yn Sefydliad Ymchwil Dementia'r DU yn ôl yr angen.

Dyletswyddau Cyffredinol

• Sicrhau eich bod yn deall pwysigrwydd cyfrinachedd wrth gyflawni pob dyletswydd.
• Cadw at bolisïau’r Brifysgol o ran Iechyd a Diogelwch a Chydraddoldeb ac Amrywiaeth.
• Cyflawni dyletswyddau eraill o bryd i'w gilydd nad ydynt wedi’u nodi uchod ond sy’n cyd-fynd â gofynion y swydd.

Meini Prawf Hanfodol Cymwysterau ac Addysg

• Gradd/cymhwyster NVQ Lefel 4 neu aelodaeth/profiad proffesiynol cyfatebol.

Gwybodaeth, Sgiliau a Phrofiad

• Profiad sylweddol o weithio mewn disgyblaeth arbenigol.
• Y gallu i ddangos gwybodaeth broffesiynol am y ddisgyblaeth arbenigol er mwyn rhoi cyngor ac arweiniad i gwsmeriaid mewnol ac allanol.
• Y gallu i sefydlu systemau a gweithdrefnau swyddfa safonol a gwneud gwelliannau fel sy’n briodol.

Gwasanaeth i Gwsmeriaid, Cyfathrebu a Gweithio’n Rhan o Dîm

• Y gallu i gyfleu gwybodaeth gysyniadol fanwl a chymhleth yn effeithiol ac yn broffesiynol i ystod eang o bobl.
• Tystiolaeth o’r gallu i ystyried anghenion cwsmeriaid ac addasu'r gwasanaeth yn briodol er mwyn cyflwyno gwasanaeth o safon.

Cynllunio, Dadansoddi a Datrys Problemau

• Tystiolaeth o’r gallu i ddatrys problemau sylweddol drwy gymryd y cam cyntaf a bod yn greadigol; adnabod a chynnig atebion ymarferol a datrys problemau sydd â sawl canlyniad posibl.
• Tystiolaeth o ddealltwriaeth amlwg o ddatblygiadau allweddol yn y ddisgyblaeth arbenigol.
• Tystiolaeth o’r gallu i weithio heb oruchwyliaeth i derfynau amser, a chynllunio a phennu blaenoriaethau ar gyfer eich gwaith eich hun a gwaith pobl eraill, yn ogystal â monitro cynnydd.

Arall

• Parodrwydd i hyfforddi a datblygu ymhellach.

Meini Prawf Dymunol

• Cymhwyster ôl-raddedig/proffesiynol.
• Profiad mewn imiwnohistocemeg, delweddu cydffocal, dadansoddi delweddau meddalwedd Imaris a microsgopeg electronau trosglwyddo.
• Profiad o weithio ym maes Addysg Uwch.
• Rhuglder yn y Gymraeg, yn ysgrifenedig ac ar lafar.