Internal Only - Research Associate in Low-Temperature Heat Networks

Mae'r swydd hon ar agor i weithwyr Prifysgol Caerdydd yn unig ar hyn o bryd. Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Ymgeiswyr Mewnol yn Unig – Cydymaith Ymchwil Rhwydweithiau Gwresogi Tymheredd Isel

Mae’r Ysgol Peirianneg am benodi Cydymaith Ymchwil Rhwydweithiau Gwresogi Tymheredd Isel i gefnogi’r gwaith modelu a dylunio prototeip gwresogi hyblyg a charbon isel sy’n seiliedig ar dechnoleg rhwydweithiau gwresogi’r bumed genhedlaeth. Bydd deiliad y swydd yn cyfrannu at brosiect cydweithredol a ariennir gan y Cyfrif Cyflymu Effaith sy’n Seiliedig ar Leoedd drwy Gyngor Ymchwil Peirianneg a Gwyddorau Ffisegol (EPSRC) Ymchwil ac Arloesi y DU (UKRI).

Swydd amser llawn (35 awr yr wythnos) yw hon, sydd ar gael o 1 Gorffennaf 2026 am gyfnod penodol tan 31 Ionawr 2027.

Cyflog: £41,064 - £46,049 y flwyddyn (Gradd 6)

Dyddiad cau: Dydd Iau, 21 Mai 2026

Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.

Mae gan yr Ysgol Peirianneg Wobr Efydd Athena SWAN sy'n cydnabod arfer cyflogaeth da ac ymrwymiad i ddatblygu gyrfaoedd menywod sy’n gweithio ym maes gwyddoniaeth. Mae Prifysgol Caerdydd yn gyflogwr cyfle cyfartal sy’n croesawu ceisiadau gan ymgeiswyr cymwys heb ystyried rhyw, hil, anabledd, oedran, cyfeiriadedd rhywiol, ailbennu rhywedd, crefydd neu gred, statws priodasol, neu feichiogrwydd a mamolaeth. Rydym yn annog menywod yn enwedig i ymgeisio am y swydd hon. Byddwn hefyd yn ystyried cynigion i rannu’r swydd neu weithio’n hyblyg.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco. Mae hyn yn golygu, wrth wneud penderfyniadau cyflogi a dyrchafu, y byddwn yn gwerthuso ymgeiswyr ar sail safon eu hymchwil ac nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo.

Mae rhagor o wybodaeth ar gael yma: Asesu ymchwil yn gyfrifol – Ymchwil – Prifysgol Caerdydd

Ymchwil

• Cynnal ymchwil ym maes modelu a dylunio rhwydweithiau gwresogi tymheredd isel a chyfrannu at berfformiad ymchwil cyffredinol yr Ysgol a’r Brifysgol drwy gynhyrchu allbynnau mesuradwy gan gynnwys gwneud cais am gyllid, cyhoeddi mewn cyfnodolion a chynadleddau academaidd rhyngwladol, a recriwtio a goruchwylio myfyrwyr ymchwil ôl-raddedig.
• Mynd i gynadleddau/seminarau lleol a chenedlaethol a/neu roi cyflwyniadau ynddynt yn ôl y gofyn.
• Datblygu amcanion a chynigion ymchwil at ddibenion ymchwil annibynnol neu ar y cyd, gan gynnwys cynigion am gyllid ymchwil.
• Cyflawni tasgau gweinyddol sy'n gysylltiedig â'r prosiect ymchwil, gan gynnwys cynllunio a threfnu'r prosiect a rhoi’r gweithdrefnau sydd eu hangen ar waith i sicrhau bod adroddiadau manwl gywir yn cael eu cyflwyno’n brydlon.
• Adolygu a chyfuno llenyddiaeth ymchwil gyfredol yn y maes.
• Datblygu a chreu rhwydweithiau yn y Brifysgol a’r tu allan iddi er mwyn dylanwadu ar benderfyniadau, ystyried gofynion ymchwil y dyfodol a rhannu syniadau ymchwil er budd prosiectau ymchwil.

Arall

• Ymgysylltu’n effeithiol â chyrff diwydiannol, masnachol a chyhoeddus, sefydliadau proffesiynol, sefydliadau academaidd eraill ac ati, a hynny’n rhanbarthol ac yn genedlaethol, i godi proffil yr Ysgol, meithrin cynghreiriau strategol gwerthfawr a chwilio am gyfleoedd i gydweithio ar ystod o weithgareddau. Bydd disgwyl i'r gweithgareddau hyn gyfrannu at waith yr Ysgol a gwella ei phroffil rhanbarthol a chenedlaethol.
• Datblygu’n bersonol ac yn broffesiynol mewn modd priodol a fydd yn gwella perfformiad.
• Cymryd rhan yng ngweinyddiaeth a gweithgareddau'r Ysgol er mwyn hyrwyddo'r Ysgol a'i gwaith ym mhob rhan o’r Brifysgol a thu hwnt.
• Cyflawni unrhyw ddyletswyddau eraill nad ydynt wedi’u nodi uchod ond sy’n cyd-fynd â gofynion y swydd.

PWYSIG: Tystiolaeth o'r Meini Prawf

Dylai ymgeiswyr ddangos tystiolaeth eu bod yn bodloni'r HOLL feini prawf hanfodol, yn ogystal â'r meini prawf dymunol lle y bo'n berthnasol. Yn rhan o’r broses ymgeisio, gofynnir i chi gyflwyno’r dystiolaeth hon ar ffurf datganiad ategol. Wrth gyflwyno'r ddogfen hon/ei hatodi i broffil eich cais, cofiwch roi cyfeirnod y swydd wag yn nheitl y ddogfen. Yn achos y swydd hon, y cyfeirnod yw 21692BR.

Meini Prawf Hanfodol

• Cymwysterau ac Addysg: Gradd ôl-raddedig ar lefel doethuriaeth (neu ar fin ei chwblhau/ei chyflwyno) mewn maes pwnc cysylltiedig neu brofiad diwydiannol perthnasol.

Gwybodaeth, Sgiliau a Phrofiad

• Arbenigedd sefydledig a phortffolio diamheuol o waith ymchwil a/neu brofiad diwydiannol perthnasol yn y meysydd ymchwil canlynol:

• Modelu ac efelychu systemau gwresogi ardal (systemau gwresogi ac oeri’r bumed genhedlaeth, yn ddelfrydol).
• Modelu ac efelychu adnoddau gwres gwastraff gan gynnwys gwres gwastraff diwylliannol a dŵr cloddfeydd.
• Cynllunio a dylunio rhwydweithiau gwresogi.
• Gweithredu a rheoli rhwydweithiau gwresogi.
• Gwybodaeth am statws cyfredol gwaith ymchwil yn y maes arbenigol.
• Gallu diamheuol i gyhoeddi gwaith mewn cyfnodolion rhyngwladol a/neu sicrhau allbynnau ymchwil eraill.
• Gwybodaeth a dealltwriaeth ynghylch cyllid ymchwil cystadleuol er mwyn gallu paratoi ceisiadau i gyrff cyllido.

Cyfathrebu a Gweithio’n Rhan o Dîm

• Y gallu diamheuol i gyfathrebu'n effeithiol ac yn argyhoeddiadol.
• Y gallu i oruchwylio gwaith pobl eraill i roi ffocws i waith y tîm a symbylu unigolion.

Arall

• Y gallu diamheuol i fod yn greadigol ac yn arloesol a gweithio’n rhan o dîm yn y gwaith.
• Y gallu diamheuol i weithio heb oruchwyliaeth fanwl.

Meini Prawf Dymunol

• Cymhwyster/cymwysterau proffesiynol perthnasol.
• Tystiolaeth o gydweithio â byd diwydiant.
• Y gallu diamheuol i addasu i ofynion newidiol y gymuned Addysg Uwch.
• Tystiolaeth o’r gallu i gyfrannu at rwydweithiau mewnol ac allanol, eu datblygu a'u defnyddio er mwyn gwella gweithgareddau ymchwil yr Ysgol.