Internal Applicants Only - User Experience (UX) Designer

Mae Prifysgol Caerdydd yn chwilio am Ddylunydd / Ymchwilydd Profiad Defnyddiwr creadigol a chwilfrydig i helpu i lunio dyfodol ein gwasanaethau digidol. Byddwch yn ymuno â thîm datblygu cydweithredol sy’n canolbwyntio ar greu profiadau llyfn, greddfol ac sy’n seiliedig ar dystiolaeth i fyfyrwyr a staff ar draws y Brifysgol. Bydd eich gwaith yn llunio sut mae ein cymunedau Corfforaethol, Gweinyddol, Ymchwil ac Addysgu yn rhyngweithio â chynhyrchion digidol y Brifysgol – gan sicrhau bod pob pwynt cyffwrdd yn cael ei lywio gan fewnwelediad defnyddwyr ac yn teimlo’n glir, yn hygyrch ac yn canolbwyntio ar y defnyddiwr.

Yn y rôl hon, byddwch yn gweithio’n agos gyda thimau amlddisgyblaethol, yn arwain gweithgareddau ymchwil defnyddwyr, ac yn trosi mewnwelediadau yn atebion dylunio meddylgar sy’n gwella sut mae pobl yn ymgysylltu â’n systemau digidol. Rydym yn chwilio am rywun sy’n cyfathrebu’n dda, yn mwynhau datrys problemau cymhleth, ac yn dod â syniadau newydd i gefnogi ein trawsnewidiad digidol.

Os ydych chi’n angerddol am ddylunio profiadau ystyrlon mewn prifysgol, byddem wrth ein bodd yn clywed gennych chi.

Mae hon yn swydd amser llawn a phenagored.

Cylog: £41,064 – £46,049 y flwyddyn (Gradd 6)

Fel arfer, mae penodiadau i rolau ym Mhrifysgol Caerdydd yn cael eu gwneud ar waelod graddfa oni bai mewn amgylchiadau eithriadol

Dyddiad hysbysebu: Dydd Llun, 11 Mai 2026

Dyddiad cau: Dydd Llun, 25 Mai 2026

Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais – cadwch olwg ar y dudalen am fanylion.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu amgylchedd gwaith cynhwysol. Credwn y gellir gwneud hynny drwy ddenu, datblygu a chadw ystod amrywiol o staff o lawer o wahanol gefndiroedd. Felly, rydym yn croesawu ceisiadau gan bob rhan o’r gymuned beth bynnag fo’u rhyw, ethnigrwydd, anabledd, cyfeiriadedd rhywiol, hunaniaeth draws, statws perthynas, crefydd neu gred, cyfrifoldebau gofalu, neu oed. Wrth gefnogi ein gweithwyr i gael cydbwysedd rhwng eu gwaith a’u bywydau personol, byddwn hefyd yn ystyried cynigion i rannu swyddi neu weithio’n hyblyg.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.
Prif Swyddogaeth

Mae’r swydd yn rhan o wasanaeth TG y Brifysgol. Bydd deiliad y swydd yn gweithio’n rhan o dîm proffesiynol sy’n cynnig gwasanaeth TG effeithlon ac effeithiol o safon sy’n canolbwyntio ar y cwsmer i holl staff a myfyrwyr y Brifysgol.

Bydd yn rhaid i ddeiliad y swydd:

• Arwain ar y dyluniad Profiad Defnyddwyr ar gyfer newidiadau i systemau digidol y Brifysgol.
• Cymryd cyfrifoldeb dros ddylunio profiadau digidol sy’n canolbwyntio ar y defnyddiwr ar gyfer yr ystod eang o ddefnyddwyr ar draws y brifysgol gan gynnwys myfyrwyr, darlithwyr, ymchwilwyr, a staff y gwasanaethau proffesiynol.
• Darparu cyngor ac arweiniad proffesiynol ar ddylunio Profiad Defnyddwyr i’r tîm datblygu a’r gymuned randdeiliaid ehangach a fydd yn cael effaith ar draws y sefydliad.
• Cymryd cyfrifoldeb dros ddatrys materion yn annibynnol, gan sicrhau bod profiad defnyddwyr o gynhyrchion meddalwedd yn bodloni set glir o amcanion.
• Creu gweithgorau penodol gyda chydweithwyr ar draws y Brifysgol i gyflawni amcanion y rhaglen / prosiect.
• Datblygu a chyflwyno hyfforddiant Profiad Defnyddwyr i addysgu’r gymuned rhanddeiliaid gyda’r arferion gorau cyfredol a sicrhau bod safonau yn cael eu cadw atynt.
• Cynllunio, cynnal a dadansoddi gweithgareddau ymchwil defnyddwyr – megis cyfweliadau, profion defnyddioldeb, mapio teithiau, ac arsylwadau – gan sicrhau bod ein gwasanaethau’n adlewyrchu anghenion gwirioneddol myfyrwyr a staff.
• Trosi mewnwelediadau ymchwil yn deithiau defnyddwyr ac atebion dylunio clir, gan wneud i brosesau cymhleth academaidd a gweinyddol deimlo’n syml ac yn hygyrch.
• Cynhyrchu amcanion Profiad Defnyddwyr gan gynnwys brasluniau, fframiau gwifren, prototeipiau, llifoedd rhyngweithio, a manylebau dylunio caboledig sy’n addas i’w datblygu.
• Cymhwyso a hyrwyddo dulliau Profiad Defnyddwyr modern a dylunio gwasanaethau, gan gefnogi cysondeb, hygyrchedd a defnyddioldeb ar draws systemau’r Brifysgol (e.e. ADRhau, pyrth myfyrwyr, offer ymchwil). Byddwch yn chwilfrydig a chyda syniadau newydd, yn gwybod am y datblygiadau diweddaraf ym maes Profiad Defnyddwyr, technolegau addysgol, a dylunio cynhwysol.
• Datrys heriau cymhleth ynghylch Profiad Defnyddwyr, gan helpu timau i ddeall problemau a symud tuag at atebion sy’n seiliedig ar dystiolaeth sy’n gweithio o fewn gofynion y brifysgol.
• Meithrin perthynas â chysylltiadau allweddol i wneud yn siŵr bod amcanion y swydd yn cael eu bodloni, gan ddatblygu cysylltiadau cyfathrebu addas â rhanddeiliaid mewnol ac allanol yn ôl yr angen.
• Cydweithio’n agos â thimau traws-swyddogaethol, gan gynnwys datblygwyr, dadansoddwyr, arbenigwyr cynnwys, llyfrgellwyr, ymchwilwyr ac adrannau academaidd.
• Addasu a chyfrannu’n hyblyg, gan gefnogi cydweithwyr ac ymgymryd â thasgau newydd wrth i brosiectau esblygu ar draws y calendr academaidd.
• Cefnogi gwaith cysoni’r prosiect, gan helpu timau i ganolbwyntio ar anghenion defnyddwyr, blaenoriaethau a llinellau amser datblygu.
• Gweithio o fewn timau matrics sy’n cynnwys cydweithwyr o bob rhan o’r sefydliad er mwyn cyflwyno datrysiadau technoleg arbennig i’r Brifysgol. Rhoi cyngor ac arweiniad lle bo angen.
• Dilyn polisïau’r Brifysgol o ran Iechyd a Diogelwch a Chydraddoldeb ac Amrywiaeth.

Gwybodaeth Ychwanegol
• Cyflawni dyletswyddau eraill o bryd i’w gilydd nad ydyn nhw wedi’u cynnwys uchod, ond sy’n cyd-fynd â’r rôl. Cyflawni tasgau y byddai cydweithwyr iau fel arfer yn eu cyflawni er mwyn bodloni gofynion gweithredol a chyflawni dyletswyddau sy’n gysylltiedig â swydd uwch at ddibenion datblygu
• Bydd y cyfrifoldebau canlynol hefyd yn berthnasol pan mae angen rheoli ac arwain staff:
• Rheoli perfformiad, sesiynau ymsefydlu a datblygu staff sydd o dan reolaeth linell deiliad y swydd. Cefnogi ac arwain aelodau’r tîm mewn perthynas â materion sy’n ymwneud â lles, gan uwch-gyfeirio materion yn ôl yr angen i feysydd sy’n rhoi cymorth arbenigol.

Technolegau cyfredol:
• Figma – Dylunio, prototeipio, dylunio systemau
• JIRA – Cynllunio a Chydlynu
• Offer ymchwil defnyddwyr – Arolygon, platfformau profi defnyddioldeb
• Offer dadansoddeg – Google Analytics neu debyg
• Offer cydweithio – Miro, Confluence, neu gyfwerth

Fel gweithiwr ym Mhrifysgol Caerdydd, bydd deiliad y swydd:

• Sicrhau cydymffurfiaeth â gofynion cyfreithiol a rheoleiddiol mewn perthynas â chydraddoldeb ac amrywiaeth, diogelu data, hawlfraint a thrwyddedu, diogelwch, polisïau, gweithdrefnau a chodau ariannol a Phrifysgol eraill fel y bo’n briodol.

• Cymerwch ofal rhesymol am iechyd a diogelwch eich hun a phersonau eraill y gall eich gweithredoedd neu hepgoriadau yn y gwaith effeithio arnynt yn unol â Deddf Iechyd a Diogelwch yn y Gwaith 1974, cyfarwyddebau’r CE a Pholisïau a gweithdrefnau Diogelwch, Iechyd a’r Amgylchedd y Brifysgol ac i gydweithredu â’r Brifysgol ar unrhyw ddyletswyddau cyfreithiol a osodir arni fel y cyflogwr.

Nodyn Pwysig: Polisi’r Brifysgol yw defnyddio manyleb yr unigolyn i ddethol pobl ar gyfer y rhestr fer. Dylai ymgeiswyr ddangos tystiolaeth eu bod yn bodloni POB UN o’r meini prawf hanfodol, yn ogystal â’r rhai dymunol pan fo’n berthnasol. Yn rhan o’r broses ymgeisio, bydd gofyn ichi gyflwyno’r dystiolaeth hon ar ffurf datganiad ategol. Gofalwch fod y dystiolaeth yr ydych yn ei rhoi’n cyfateb i rifau’r meini prawf a amlinellir isod. Caiff eich cais ei ystyried ar sail y wybodaeth a rowch yn unol â phob elfen. Wrth atodi’r datganiad ategol i’ch cais, sicrhewch mai cyfeirnod y swydd wag yw enw’r ddogfen, e.e. Datganiad Ategol ar gyfer 21506BR

Meini Prawf Hanfodol

Cymwysterau ac Addysg

1. Gradd/cymhwyster NVQ Lefel 4 neu gyfwerth / Aelodaeth/profiad proffesiynol

Gwybodaeth, Sgiliau a Phrofiad

2. Profiad sylweddol yn dylunio profiadau defnyddwyr digidol ar gyfer cynhyrchion gwe neu symudol, yn ddelfrydol o fewn amgylcheddau cymhleth, aml-randdeiliaid megis prifysgolion neu sefydliadau mawr.
3. Profiad amlwg o sgiliau dylunio rhyngweithiol ymarferol, gan gynnwys creu fframiau gwifren, dylunio rhyngwyneb, prototeipio, a phrofion ailadroddol sy’n canolbwyntio ar y defnyddiwr.
4. Profiad diamheuol o gynllunio, cynnal, a dadansoddi ymchwil defnyddwyr, megis profi defnyddioldeb, cyfweliadau, ymchwiliad cyd-destunol, neu arolygon.
5. Sgiliau rheoli perthnasoedd rhagorol a diamheuol ynghyd â phrofiad o reoli gofynion rhanddeiliaid.

Gwasanaeth i Gwsmeriaid, Cyfathrebu a Gwaith Tîm

6. Gallu diamheuol i gydbwyso gofynion defnyddwyr amrywiol trwy gyfranogiad gweithredol o fewn timau a grwpiau gyda nodau a chyfyngiadau sefydliadol.
7. Sgiliau rhyngbersonol, cyfathrebu a threfnu rhagorol Gallu dogfennu ac egluro penderfyniadau dylunio cymhleth a mewnwelediadau ymchwil mewn fframwaith rhesymegol a chlir y gall pobl eraill ei ddeall yn rhwydd.
8. Profiad o weithio’n agos gyda datblygwyr meddalwedd ac o gyfrannu’n effeithiol o fewn timau amlddisgyblaethol.

Cynllunio, Dadansoddi a Datrys Problemau

9. Gwybodaeth a phrofiad amlwg o ddatrys problemau, gallu ystyried opsiynau, dilysu rhagdybiaethau, a chynnig atebion sy’n seiliedig ar anghenion defnyddwyr.
10. Tystiolaeth o lunio profiad defnyddwyr trwy weithdai, sesiynau cyd-ddylunio, neu weithgareddau prosiect dan arweiniad dyluniad, yn ddelfrydol o fewn lleoliad addysgol neu leoliad yr un mor gymhleth.

Meini Prawf Dymunol

11. Cymhwyster rheoli ITIL, neu gymhwyster tebyg.
12. Y gallu i siarad Cymraeg neu barodrwydd i ddysgu.