Internal Applicants Only - Research Associate, DECIPHer

Mae Ysgol Gwyddorau Cymdeithas Prifysgol Caerdydd yn ceisio recriwtio Cydymaith Ymchwil i weithio yng Nghanolfan Ymchwil y Ganolfan Datblygu, Gwerthuso, Cymhlethdod a Gweithredu mewn Gwella Iechyd y Cyhoedd (DECIPHer) sydd wedi’i lleoli yn yr ysgol.

Rhaglen Fuddsoddi’r Cynllun Gwirfoddol ar gyfer Prisio Meddyginiaethau Brand (VPAG)

Yn 2023 cytunodd Llywodraeth y DU a Chymdeithas Diwydiant Fferyllol Prydain (ABPI) ar fuddsoddiad ychwanegol o £400 miliwn mewn gwyddorau bywyd dros bum mlynedd drwy Raglen Fuddsoddi’r Cynllun Gwirfoddol ar gyfer Prisio Meddyginiaethau Brand (VPAG). Bydd y buddsoddiad hwn yn cyflymu gwaith ar dreialon clinigol, gweithgynhyrchu ac asesu technoleg iechyd.

Mae Llywodraeth Cymru ac Ymchwil Iechyd a Gofal Cymru wedi ariannu canolfannau ymchwil DECIPHer a PRIME ym Mhrifysgol Caerdydd i gynnal gwerthusiad tair blynedd o Raglen Fuddsoddi (VPAG) yng Nghymru. Bydd y gwerthusiad yn defnyddio cynllun astudiaeth gwerthuso prosesau i archwilio gweithrediad y rhaglen.

Mae’r swydd hon yn llawn amser (35 awr yr wythnos), yn gyfnod sefydlog tan 31st Rhagfyr 2028 ac mae ar gael yn syth.

Cyflog: £41,064 – £46,049 y flwyddyn (Gradd 6), gyda gynyddrannau blynyddol hyd at cyflog terfynol ar frig y raddfa. Fel arfer, mae apwyntiadau newydd yn cael eu gwneud ar ddechrau’r raddfa gyflog.

Yn gyfrifol am Dr Rachel Brown, Cydymaith Ymchwil Uwch

Am drafodaeth anffurfiol am y rôl, cysylltwch â Rachel, BrownR14@cardiff.ac.uk

Mae DECIPHer yn cefnogi gwaith hybrid a bydd angen i’r ymgeisydd llwyddiannus fod ar gael i weithio o’i swyddfeydd ym Mryste ddwywaith yr wythnos.

Mae Prifysgol Caerdydd yn cynnig llawer o fanteision rhagorol, gan gynnwys 45 diwrnod o wyliau blynyddol (gan gynnwys gwyliau banc), gweithio cyfunol (sy’n golygu y byddwch yn gallu gweithio gartref am beth o’ch amser), cynllun beicio i’r gwaith a mentrau teithio eraill, cynyddiadau blynyddol i fyny’r raddfa gyflog, a mwy. Mae’n lle cyffrous a bywiog i weithio, gyda llawer o heriau gwahanol ac mae’n gefnogwr Cyflog Byw balch.

Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais – cadwch olwg ar y dudalen am fanylion.

Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy’n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na’r cyfnodolyn y mae’r ymchwil wedi’i chyhoeddi ynddo. Ceir rhagor o wybodaeth yma: Asesu ymchwil yn gyfrifol – Ymchwil – Prifysgol Caerdydd
Ymchwil

• Cyflawni ymchwil ym maes ymchwil gwerthuso iechyd y cyhoedd a gofal iechyd a chyfrannu at berfformiad ymchwil cyffredinol yr Ysgol a’r Brifysgol drwy gynhyrchu allbynnau mesuradwy, gan gynnwys ymgeisio am gyllid, cyhoeddi mewn cynadleddau a chyfnodolion academaidd cenedlaethol, a recriwtio a goruchwylio ymchwilwyr ôl-raddedig.
• Ymgymryd â chynllunio a chyflawni ymchwil ar gyfer gwerthuso’r Cynllun Gwirfoddol ar gyfer Prisio Meddyginiaethau Brand (VPAG).
• Cynorthwyo gydag adrodd canlyniadau interim a therfynol gwerthusiad VPAG i Lywodraeth Cymru, Ymchwil Iechyd a Gofal Cymru (YIGC) a sefydliadau eraill yn y sector cyhoeddus, sefydliadau proffesiynol, a sefydliadau academaidd eraill.
• Mynd i gynadleddau/seminarau lleol a chenedlaethol a/neu roi cyflwyniadau ynddynt yn ôl y gofyn.
• Cyflawni tasgau gweinyddol sy’n gysylltiedig â’r prosiect ymchwil, gan gynnwys cynllunio a threfnu’r prosiect a rhoi’r gweithdrefnau sydd eu hangen ar waith i sicrhau bod adroddiadau cywir yn cael eu cyflwyno’n brydlon.
• Paratoi ceisiadau moeseg ymchwil a llywodraethu ymchwil fel y bo’n briodol.
• Cymryd rhan yng ngweithgareddau ymchwil yr Ysgol.
• Datblygu a chreu rhwydweithiau yn y Brifysgol a’r tu hwnt er mwyn dylanwadu ar benderfyniadau, ystyried gofynion o ran ymchwil yn y dyfodol a rhannu syniadau ymchwil er budd prosiectau ymchwil.

Arall

• Datblygu’n bersonol ac yn broffesiynol mewn modd priodol a fydd yn gwella perfformiad.
• Cefnogi cyflwyno rhaglen cwrs byr DECIPHer ynghyd ag addysgu ehangach yn Ysgol y Gwyddorau Cymdeithasol.
• Cyflawni unrhyw ddyletswyddau eraill nad ydynt wedi’u nodi uchod ond sy’n cyd-fynd â gofynion y swydd.

Y Ganolfan Datblygu a Gwerthuso Ymyriadau Cymhleth er mwyn Gwella Iechyd y Cyhoedd

Cafodd Y Ganolfan Datblygu a Gwerthuso Ymyriadau Cymhleth er Gwella Iechyd y Cyhoedd (DECIPHer) ei sefydlu gyda chyllid gan Gydweithredu ar Ymchwil Glinigol y DU (UKCRC) yn un o bump o Ganolfannau Rhagoriaeth Ymchwil Iechyd y Cyhoedd rhwng 2009 – 2019 ar y cyd â Phrifysgol Bryste a Phrifysgol Abertawe. Yn 2020, fe ddaeth yn un o Ganolfannau Rhagoriaeth Ymchwil Iechyd y Cyhoedd wedi’i ariannu gan Ymchwil Iechyd a Gofal Cymru, ar y cyd ag Iechyd Cyhoeddus Cymru, gyda chymorth ariannol tan 2025. Mae DECIPHer bellach wedi derbyn cyllid cynaliadwy gan Ymchwil Iechyd a Gofal Cymru i barhau ei waith rhwng 2025-2030.

Mae cymorth ariannol parhaus yn sicrhau y gallwn ni barhau i roi:
• llwyfan ar gyfer iechyd y cyhoedd amlddisgyblaethol rhyngwladol sy’n arwain y byd ymchwil i wneud gwelliannau
• awyrgylch rhyngwladol sy’n arwain y byd ar gyfer datblygu gyrfa ym maes iechyd y cyhoedd ymchwil i wneud gwelliannau
• man amlwg yng Nghymru i weithio ar y cyd rhwng y byd academaidd, polisi, ymarfer a’r cyhoedd mewn ymchwil gwella iechyd y cyhoedd i wneud y defnydd gorau o ymchwil, ac effaith.

Mae DECIPHer yn chwarae rhan sylweddol mewn cyfres o fuddsoddiadau pwysig wedi’u hariannu gan y Sefydliad Cenedlaethol dros Ymchwil Iechyd, a’r Ganolfan Wolfson er Iechyd Meddwl Pobl Ifanc a chanolfan Behavioural Research-UK wedi’i hariannu gan Y Cyngor Ymchwil Economaidd a Chymdeithasol (ESRC). O fewn y pum mlynedd nesaf, bydd yn cydweithio â sefydliadau sydd wedi cael eu hariannu yn ddiweddar gan Ymchwil Iechyd a Gofal Cymru, gan gynnwys y Ganolfan Genedlaethol ar gyfer Ymchwil Atal Hunanladdiad a Hunan-Niweidio ac Uned Feiroleg Gymhwysol Cymru. Mae hefyd yn cynnal y Rhwydwaith Ymchwil Iechyd Ysgolion a rhaglen ymchwil ac addysgu mewn methodoleg a gydnabyddir yn rhyngwladol ar gyfer datblygu a gwerthuso ymyriadau. Bydd ein gwaith ymchwil o 2025 yn anelu at wella iechyd y cyhoedd, lleihau anghydraddoldebau, ac ysgogi arloesedd methodolegol wrth ddatblygu a gwerthuso ymyriadau gwella iechyd.

Mae DECIPHER ym Mharc Ymchwil Gwyddorau Cymdeithasol Prifysgol Caerdydd (sbarc | spark) ochr yn ochr â nifer fawr o ganolfannau ymchwil gwyddorau cymdeithasol eraill. Mae wedi’i leoli yn bennaf yn Ysgol y Gwyddorau Cymdeithasol, ac mae’n gweithio ar draws y Brifysgol, gyda rhai ymchwilwyr wedi’u lleoli yn yr Ysgol Meddygaeth. Mae Ysgol y Gwyddorau Cymdeithasol yn cael ei chydnabod yn rhyngwladol yn ganolfan rhagoriaeth mewn ymchwil ac addysgu ar draws ystod o bynciau, gan gynnwys cymdeithaseg, astudiaethau polisi, troseddeg, addysg a gwaith cymdeithasol.

Mae rhagor o fanylion am weithgareddau’r Ysgol ar ein hafan: https://www.cardiff.ac.uk/cy/social-sciences

Meini Prawf Hanfodol

1. Gradd ôl-raddedig ar lefel PhD (neu bron â’i chwblhau/cyflwyno) mewn maes pwnc cysylltiedig neu brofiad diwydiannol perthnasol
2. Arbenigedd sefydledig a phortffolio diamheuol o waith ymchwil a/neu brofiad diwydiannol perthnasol yn y meysydd ymchwil canlynol:
   • Ymchwil gwerthuso, gydag arbenigedd mewn gwerthuso polisïau llywodraeth
   • Iechyd y cyhoedd
   • Gofal Iechyd
3. Gwybodaeth am statws cyfredol ymchwil ym maes iechyd y cyhoedd a gofal iechyd gan gynnwys gwybodaeth am gyflwyno’r Cynllun Gwirfoddol ar gyfer Prisio Meddyginiaethau Brand (VPAG) ledled y DU.
4. Gallu diamheuol i gyhoeddi mewn cyfnodolion cenedlaethol/rhyngwladol, cyflwyno mewn cynadleddau cenedlaethol/rhyngwladol a chynhyrchu allbynnau ymchwil sy’n berthnasol i bolisi ac ymarfer.
5. Gwybodaeth a dealltwriaeth o gyllid ymchwil cystadleuol er mwyn gallu datblygu ceisiadau i gyrff cyllido
6. Gallu diamheuol i gyfathrebu â rhanddeiliaid uwch a gweithio i ddylanwadu ar benderfyniadau ac arferion
7. Gallu diamheuol i fod yn greadigol ac yn arloesol a gweithio’n rhan o dîm yn y gwaith
8. Gallu diamheuol i weithio heb oruchwyliaeth agos
9. Parodrwydd i deithio ledled Cymru i ymgymryd â gwaith ymchwil maes

Meini Prawf Dymunol

• Tystiolaeth o gydweithio â rhanddeiliaid yn y llywodraeth
• Gallu diamheuol i addasu i ofynion newidiol byd addysg uwch
• Tystiolaeth o’r gallu i gyfrannu at rwydweithiau mewnol ac allanol, eu datblygu a’u defnyddio er mwyn gwella gweithgareddau ymchwil yr Ysgol

PWYSIG: Tystiolaeth o’r Meini Prawf

Polisi Prifysgol Caerdydd yw defnyddio manyleb yr unigolyn fel offeryn allweddol wrth ddethol pobl ar gyfer y rhestr fer. Felly, mae’n rhaid i ymgeiswyr ddangos tystiolaeth eu bod yn bodloni’r HOLL feini prawf hanfodol, a’r meini prawf dymunol, lle bo’n berthnasol.

Yn rhan o’ch cais, gofynnir i chi ddarparu’r dystiolaeth hon drwy ddatganiad ategol. Gwnewch yn siŵr bod eich tystiolaeth yn cyfateb i’r meini prawf a amlinellir ym manyleb yr unigolyn. Ystyrir eich cais ar sail yr wybodaeth a roddwch ar gyfer pob maen prawf.

Wrth atodi’r datganiad ategol i broffil eich cais, cofiwch roi cyfeirnod y swydd wag yn nheitl y ddogfen: XXXXBR.

Bydd eich cais mewn perygl o beidio â chael ei ddatblygu os nad ydych yn dangos tystiolaeth eich bod wedi bodloni’r holl feini prawf hanfodol. Mae’r ysgol yn croesawu cyflwyno CV i gyd-fynd â’r dystiolaeth ar gyfer meini prawf y swydd.