Internal Applicants Only - Psychology Assistant (2 Posts)

A'r swydd hon ar agor i weithwyr Prifysgol Caerdydd yn unig ar hyn o bryd. Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Mae cyfle cyffrous ar gael i ddau Gynorthwyydd Seicoleg ymuno ag Is-adran Meddygaeth Seicolegol a Niwrowyddorau Clinigol Prifysgol Caerdydd, yn adeilad blaenllaw Prifysgol Caerdydd, Adeilad Hadyn Ellis. Bydd deiliaid y swyddi hyn yn gweithio’n rhan o raglen Nodau Iechyd Meddwl (MHG) Omics, menter bwysig ledled y DU, a ariennir gan Lywodraeth y DU. Ei nod yw chwyldroi ein dealltwriaeth a'r ffordd rydyn ni’n trin salwch meddwl difrifol.

Gan ehangu ar ddatblygiadau sylweddol ym maes genomeg, proteomeg, metabolomeg ac iechyd digidol, bydd y prosiect yn sefydlu carfan aml-omig fwyaf y byd o bobl ag anhwylderau seicosis a hwyliau, gan ei chysylltu â data iechyd clinigol a byd go iawn helaeth. Bydd yr seilwaith cenedlaethol newydd hwn, a ddatblygwyd mewn cydweithrediad ag unigolion sydd â phrofiad byw, y GIG, y byd academaidd a diwydiant, yn cyflymu'r gwaith o ddarganfod mecanweithiau biolegol, canfod biofarcwyr i greu triniaethau wedi'u personoli a gwneud y DU yn lle deniadol yn fyd-eang i arloesi ym maes iechyd meddwl.

Bydd yr ymgeiswyr llwyddiannus yn cynorthwyo ag amrywiaeth o dasgau sy'n gysylltiedig ag astudiaeth gan gynnwys recriwtio a chynnal asesiadau o bobl sydd wedi cael diagnosis o seicosis, gan gynnwys cyfweliadau clinigol, holiaduron a thynnu gwaed, yn ogystal â gweithgareddau cyffredinol o ddydd i ddydd sy'n gysylltiedig ag astudiaeth amlddisgyblaethol fawr. Dylai ymgeiswyr feddu ar radd mewn Seicoleg neu faes cysylltiedig a byddai profiad o recriwtio cleifion i astudiaethau ymchwil yn fantais.

Mae’r swyddi hyn yn gymwys i gael eu cynnig ar sail gweithio cyfunol. Mae hyn yn golygu y gallwch chi ddewis treulio peth amser yn gweithio o leoliad arall, e.e. gartref, yn ogystal â threulio amser yn gweithio ar y campws. Mae’r Brifysgol wedi ymrwymo i gynnig yr hyblygrwydd hwn pan fo’r swydd ac anghenion y busnes yn caniatáu hynny er mwyn cefnogi cydbwysedd rhwng y gwaith a bywyd personol.

Mae Prifysgol Caerdydd yn cynnig pecyn buddion gwych, sy’n cynnwys 40 diwrnod o wyliau blynyddol (gan gynnwys gwyliau banc), cynllun pensiwn lleol, cynllun beicio i'r gwaith a mentrau teithio eraill, cynyddrannau blynyddol ar hyd y raddfa gyflog, a mwy. Dyma le cyffrous a bywiog i weithio, gyda nifer o heriau gwahanol. Rydym hefyd yn falch o gefnogi’r Cyflog Byw.

Gellir gwneud ymholiadau anffurfiol i Dr Kimberley Kendall (kendallkm@caerdydd.ac.uk). Swyddi amser llawn (35 awr yr wythnos) yw’r rhain ac maent ar gael o 1 Medi 2026 am gyfnod penodol tan 31 Awst 2029. Cyflog: £28,031 – £31,236 y flwyddyn (Gradd 4). Ym Mhrifysgol Caerdydd, mae unigolion fel arfer yn dechrau ar waelod y raddfa gyflog, ac eithrio mewn amgylchiadau eithriadol. Dyddiad cau: Dydd Iau, 21 Mai 2026.

Nid yw ceisiadau allanol yn cael eu hystyried ar gyfer y swydd hon ar hyn o bryd. Os penderfynir agor y swydd i ymgeiswyr allanol, bydd yr isbennawd ar y brig yn cael ei thynnu a rhoddir digon o amser i chi wneud cais - cadwch olwg ar y dudalen am fanylion.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol. Felly, rydym yn croesawu ceisiadau gan bobl o bob rhan o’r gymuned, beth bynnag fo’u rhyw, eu hethnigrwydd, eu hanabledd, eu cyfeiriadedd rhywiol, eu hunaniaeth draws, statws eu perthynas, eu crefydd neu eu cred, eu cyfrifoldebau gofalu neu eu hoedran.

Er mwyn helpu ein cyflogeion i sicrhau cydbwysedd rhwng eu gwaith a’u bywydau personol, byddwn hefyd yn ystyried cynigion i weithio’n hyblyg neu rannu’r swydd. Caniateir i geisiadau gael eu cyflwyno yn Gymraeg, ac ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Diben y Swydd: Cynorthwyo ag amrywiaeth o dasgau sy'n gysylltiedig ag astudiaeth gan gynnwys recriwtio a chynnal asesiadau o bobl sydd wedi cael diagnosis o seicosis ac anhwylderau hwyliau, gan gynnwys cyfweliadau clinigol, holiaduron a thynnu gwaed, yn ogystal â gweithgareddau cyffredinol o ddydd i ddydd sy'n gysylltiedig ag astudiaeth amlddisgyblaethol fawr. Cynnig cefnogaeth gynhwysfawr a phroffesiynol i'r Brifysgol a’r Is-adran Meddygaeth Seicolegol a Niwrowyddorau Clinigol.

Dyletswyddau a Chyfrifoldebau Prif Ddyletswyddau:

• Dod yn gyfarwydd ac yn fedrus yn y dulliau asesu ymchwil (byddwn ni’n cynnig hyfforddiant).
• Recriwtio unigolion sydd wedi cael diagnosis o seicosis ac anhwylderau hwyliau drwy sianeli newydd a rhai sy’n bodoli eisoes.
• Asesu’r rhai sy’n cymryd rhan wyneb yn wyneb neu ar-lein gan ddefnyddio cyfweliadau a holiaduron clinigol.
• Cael samplau gwaed gan y rhai sy’n cymryd rhan drwy dynnu gwaed (byddwn ni’n cynnig hyfforddiant).
• Deall a chyfleu gwybodaeth am brosiectau, a allai fod angen esboniad neu ddehongliad gofalus i helpu eraill i ddeall.
• Meithrin perthynas gynhyrchiol ag unigolion allweddol (cydweithwyr yn y Brifysgol ac enwau cyswllt allanol) i helpu i wella’r gwasanaeth sy’n cael ei ddarparu gan y tîm ar gyfer ei gwsmeriaid.
• Sicrhau bod targedau recriwtio cyfranogwyr yn cael eu cyrraedd, cynnal cyfrinachedd a safonau proffesiynol a gweithio fel aelod effeithiol o’r tîm yn gyffredinol.
• Cymryd rhan yn y cyfarfodydd tîm rheolaidd drwy gyflwyno diweddariadau ar gynnydd (gan gynnwys, er enghraifft, niferoedd a recriwtir, problemau a wynebir) a chyfrannu syniadau at y strategaeth recriwtio.
• Cyflawni tasgau gweinyddol megis casglu data, cofnodi a chynnal cofnodion a data (e.e. ar Redcap) yn ôl yr angen i redeg y prosiect yn hyderus, gyda goruchwyliaeth.
• Cefnogi a hyfforddi eraill yn nhîm y prosiect fel bo'r gofyn yng ngweithdrefnau'r prosiect.
• Sicrhau cydymffurfiaeth â gofynion cyfreithiol a rheoliadol o ran cydraddoldeb ac amrywiaeth, diogelwch data, hawlfraint a thrwyddedu, diogelwch a chyllid, gan gynnwys polisïau, gweithdrefnau a chodau eraill y Brifysgol fel sy'n briodol.
• Cymryd rhan mewn datblygiad personol a phroffesiynol, gan gynnwys Hyfforddiant Arfer Clinigol Da (GCP) ar gyfer Ymchwil sy'n briodol i'r rôl ac a fydd yn gwella perfformiad.
• Gweithio'n hyblyg fel rhan o dîm i gyflawni amcanion yr astudiaeth, gan addasu i weithdrefnau newydd, ymgymryd â thasgau newydd sy'n gyson â'r rôl, a hwyluso datblygiad yr astudiaeth.
• Cyflawni dyletswyddau eraill o bryd i'w gilydd nad ydynt wedi'u nodi uchod ond sy'n gyson â gofynion y rôl.

Dyletswyddau Cyffredinol:

• Sicrhau eich bod yn deall pwysigrwydd cyfrinachedd wrth gyflawni pob dyletswydd.
• Cadw at bolisïau'r Brifysgol ac ymgymryd â datblygiad personol a phroffesiynol priodol.
• Cyflawni dyletswyddau eraill o bryd i'w gilydd nad ydynt wedi’u nodi uchod ond sy’n cyd-fynd â gofynion y swydd.
• Arddel Gwerthoedd ac Ymddygiadau’r Gwasanaethau Proffesiynol neu’r hyn sy’n cyfateb iddynt yn lleol.

PWYSIG: Meini Prawf Tystiolaeth

Polisi’r Ysgol Meddygaeth yw defnyddio manyleb yr unigolyn yn adnodd allweddol wrth ddethol ymgeiswyr ar gyfer y rhestr fer. Dylai ymgeiswyr ddangos tystiolaeth eu bod yn bodloni POB UN o’r meini prawf hanfodol, yn ogystal â’r rhai dymunol pan fo’n berthnasol. Yn rhan o’r broses ymgeisio, gofynnir ichi roi’r dystiolaeth hon ar ffurf datganiad ategol.

Wrth gyflwyno'r ddogfen hon neu ei hatodi wrth broffil eich cais, cofiwch roi cyfeirnod y swydd wag yn nheitl y ddogfen. Yn achos y swyddi hyn, 21525BR yw’r cyfeirnod.

Os na fydd ymgeiswyr yn cyflwyno tystiolaeth ysgrifenedig sy’n dangos eu bod yn bodloni pob un o’r meini prawf hanfodol, ni fyddwn yn ymdrin â’u cais ymhellach. Mae’r Ysgol Meddygaeth yn croesawu CVs i gyd-fynd â thystiolaeth bod meini prawf y swydd wedi’u bodloni.

Meini Prawf Hanfodol:

• Gradd (2.1 neu uwch) mewn Seicoleg neu bwnc cysylltiedig, a/neu brofiad cyfatebol.
• Hyfedredd ym maes TG, gan gynnwys profiad o ddefnyddio E-bost, y Rhyngrwyd, Microsoft Office, SPSS (cofnodi a dadansoddi data).

Gwybodaeth, Sgiliau a Phrofiad:

• Gwybodaeth arbenigol am gynifer o'r canlynol â phosibl:

• Gweithio gyda phoblogaethau clinigol neu agored i niwed.
• Recriwtio cyfranogwyr i astudiaethau ymchwil.
• Gweinyddu asesiadau a holiaduron clinigol.
• Gwybodaeth am salwch meddwl difrifol.

Profiad:

• Profiad o weithio mewn swydd neu amgylchedd gweinyddol a’r gallu i sefydlu systemau a gweithdrefnau swyddfa safonol, gan wella’r rhain fel sy’n briodol.

Cyfathrebu a Gweithio’n Rhan o Dîm:

• Y gallu i gyfleu gwybodaeth arbenigol a chymhleth yn effeithiol ac yn broffesiynol i ystod o gwsmeriaid y bydd eu dealltwriaeth o’r materion hyn yn amrywio.
• Y gallu i weithio’n dda mewn tîm.

Cynllunio, Dadansoddi a Datrys Problemau:

• Callu diamheuol i weithio ar eich menter eich hun a heb oruchwyliaeth i gadw at derfynau amser llym, gan gynllunio, trefnu a gosod blaenoriaethau ar gyfer eich gwaith eich hun yn briodol.
• Tystiolaeth o lefel uchel o gywirdeb a sylw i fanylion.
• Tystiolaeth o’r gallu i ddatrys problemau gan ddefnyddio mentergarwch a chreadigrwydd ac i nodi a chynnig atebion ymarferol i ddatrys problemau lle mae amrywiaeth o ddewisiadau posibl ar gael.

Meini Prawf Dymunol:

• Profiad o recriwtio cleifion i astudiaethau ymchwil.
• Meddu ar drwydded yrru ddilys lawn.
• Dealltwriaeth dda o gyfrinachedd a diogelwch data.
• Profiad o weithio ym myd addysg uwch.
• Profiad o gymryd samplau gwaed (fflebotomi).