Internal Applicants Only - Lecturer

A'r swydd hon ar agor i weithwyr Prifysgol Caerdydd yn unig ar hyn o bryd. Peidiwch ymgeisio os nad oes ganddoch gytundeb cyflogaeth ddilys gyda’r brifysgol.

Yn rhan o'n datblygiad parhaus, mae gan Ysgol Seicoleg Prifysgol Caerdydd ddwy swydd wag ar gyfer darlithwyr rhan-amser, (cyfwerth â 0.5 amser llawn) am gyfnod penodol. Rydym yn ysgol fawr ac amrywiol sydd ar flaen y gad yn rhyngwladol. Mae gennym enw da hefyd am ansawdd ein haddysgu a’n hymchwil.

Rydym yn chwilio’n arbennig am unigolion sydd ag arbenigedd neu ddiddordeb yn y meysydd addysgu canlynol: Seicoleg Wybyddol.

Ar gyfer y llwybr Addysgu ac Ymchwil, ein nod yw ategu ac ymestyn ein cryfderau ymchwil ac effaith i gyfeiriadau sy’n alinio â heriau cenedlaethol a rhyngwladol, gan alluogi ymgeiswyr llwyddiannus i adeiladu, arwain a chynnal grwpiau ymchwil a chydweithrediadau newydd, yn ogystal â darparu addysgu deniadol ac arweinyddiaeth academaidd.

Mae'r Brifysgol wedi ymrwymo i gynnal amgylchedd gwaith cadarnhaol sy’n galluogi pob aelod o’r staff i ffynnu a chyflawni. Rydym yn croesawu ceisiadau gan aelodau o grwpiau a dangynrychiolir ar hyn o bryd a gan unigolion sy'n dymuno gweithio'n rhan amser neu'n llawn amser.

Mae’r swydd yn rhan-amser (17.5 awr yr wythnos, 50% cyfwerth ag amser llawn) cyfnod penodol o 28 Medi 2026 hyd at 27 Mai 2027, i gwmpasu cyfnod o absenoldeb astudio. Cyflog: £41,064 hyd at £46,049 y flwyddyn, pro-rata (Gradd 6).

Croesewir cyfleoedd secondio – sylwer, os ydych yn aelod o staff Prifysgol Caerdydd sydd â diddordeb yn y swydd hon ar sail secondiad, bydd yn rhaid ichi gael caniatâd eich Rheolwr Llinell cyn cyflwyno cais.

Mae Prifysgol Caerdydd yn cynnig pecyn buddion gwych, gan gynnwys 45 diwrnod o wyliau blynyddol (gan gynnwys Gwyliau Banc), cynllun pensiwn lleol, cynllun beicio i'r gwaith a chynlluniau teithio eraill, cynyddrannau blynyddol ar hyd y raddfa gyflog, a mwy. Mae’n lle cyffrous a bywiog i weithio, lle ceir nifer o heriau gwahanol.

Dyddiad cau: Dydd Mawrth, 19 Mai 2026. Nid yw ceisiadau allanol yn cael eu hystyried ar gyfer y swydd hon ar hyn o bryd.

Mae Prifysgol Caerdydd wedi ymrwymo i gefnogi a hyrwyddo cydraddoldeb ac amrywiaeth a chreu gweithle cynhwysol. Rydym o’r farn bod modd gwneud hyn drwy ddenu, datblygu a chadw ystod amrywiol o bobl o lawer o gefndiroedd gwahanol.

Mae Prifysgol Caerdydd wedi llofnodi Datganiad ar Asesu Ymchwil (DORA) San Francisco, sy'n golygu y byddwn, wrth wneud penderfyniadau cyflogi a dyrchafu, yn gwerthuso ymgeiswyr ar sail safon eu hymchwil, nid ar sail metrigau cyhoeddi na'r cyfnodolyn y mae'r ymchwil wedi’i chyhoeddi ynddo.

Disgrifiad Swydd: Bydd deiliad y swydd yn addysgu israddedigion ac ôl-raddedigion yn unol â chanfyddiadau ymchwil ac yn cyfrannu at hanes ymchwil yr ysgol drwy ymroi i wneud ymchwil a fydd yn cael ei chyhoeddi. Mynnu rhagoriaeth ymchwil, addysgu a mentergarwch ac ysbrydoli eraill i wneud yr un fath.

• Ymchwil: Cynnal ymchwil ym maes seicoleg wybyddol a chyfrannu at berfformiad ymchwil cyffredinol yr Ysgol a’r Brifysgol trwy gynnyrch y bydd modd ei fesur megis ceisiadau am nawdd, cyhoeddi erthyglau mewn cyfnodolion, cynadleddau academaidd cenedlaethol a/neu ganlyniadau ymchwil eraill yn ogystal â denu a goruchwylio myfyrwyr ymchwil ôl-raddedig.
• Addysgu: Cynllunio a chyflwyno rhaglenni addysgu ar gyfer cyrsiau a chyfrannu at y gwaith o ddatblygu modiwlau, a hynny’n rhan o dîm modiwl. Cymryd rhan mewn gweithgareddau ysgolheigaidd eraill, gan gynnwys gwneud gwaith sy’n gysylltiedig ag arholiadau, cyflawni dyletswyddau gweinyddol, gwasanaethu ar bwyllgorau a rhoi cymorth bugeiliol i fyfyrwyr y Brifysgol.
• Ymgysylltu: Ymgysylltu’n effeithiol â chyrff diwydiannol, masnachol a chyhoeddus, sefydliadau proffesiynol, sefydliadau academaidd eraill ac ati, yn rhanbarthol ac yn genedlaethol er mwyn codi proffil yr Ysgol, meithrin cysylltiadau strategol gwerthfawr a nodi cyfleoedd i gydweithio ar amrywiaeth o weithgareddau.

NODYN PWYSIG: Yn eich datganiad ategol, mae’n rhaid i chi ddangos sut rydych yn bodloni pob un o’r meini prawf hanfodol (a dymunol, lle bo’n berthnasol) isod. Rydym yn awgrymu eich bod yn defnyddio pob maen prawf yn is-bennawd ac yn rhoi tystiolaeth ysgrifenedig o'ch sgiliau perthnasol o dan bob un.

• Meini Prawf Hanfodol: Gradd ôl-raddedig ar lefel PhD mewn Seicoleg neu brofiad diwydiannol perthnasol. Arbenigedd sefydledig a phortffolio profedig o waith ymchwil a/neu brofiad diwydiannol perthnasol yn y meysydd ymchwil canlynol: Seicoleg Wybyddol. Profiad o addysgu ar lefel israddedig/ôl-raddedig. Gwybodaeth am statws cyfredol gwaith ymchwil yn y maes arbenigol. Gallu amlwg i gyhoeddi ymchwil mewn cyfnodolion cenedlaethol a/neu sicrhau allbynnau ymchwil eraill. Gallu amlwg i fod yn llwyddiannus wrth geisio sicrhau cyllid ymchwil cystadleuol. Gallu cyfrannu at y gwaith o gyflwyno’r modiwlau sy’n rhan o raglenni addysgu’r ysgol a’u datblygu’n barhaus. Sgiliau Bugeiliol, Cyfathrebu a Gweithio’n Rhan o Dîm: Gallu profedig i gyfathrebu'n effeithiol ac yn argyhoeddiadol. Y gallu i roi cymorth bugeiliol priodol i fyfyrwyr, gwerthfawrogi anghenion ac amgylchiadau myfyrwyr unigol a bod yn diwtor personol iddynt.
• Meini Prawf Dymunol: Cymhwyster/cymwysterau proffesiynol perthnasol. Tystiolaeth o fod wedi cydweithio â byd diwydiant. Y gallu diamheuol i weithio heb oruchwyliaeth fanwl. Y gallu diamheuol i addasu i ofynion cyfnewidiol byd Addysg Uwch. Tystiolaeth o’r gallu i gyfrannu at rwydweithiau mewnol ac allanol, eu datblygu a’u defnyddio i wella gweithgareddau addysgu ac ymchwil yr Ysgol. Parodrwydd i dderbyn cyfrifoldeb am waith gweinyddol academaidd.