Pennaeth Cyfathrebu a Materion Cyhoeddus / Head of Communication and Public Affairs in North Wales

Diolch am eich diddordeb yn y swydd uchod.

Mae Grŵp Cynefin yn gymdeithas dai sy'n adeiladu, creu a chynnal cartrefi gan gefnogi tenantiaid a chwsmeriaid yn eu cymunedau.

Rydyn ni'n berchen ar dros 5,000 o gartrefi gyda dros 10,000 o denantiaid, ac yn gweithredu ar draws chwe sir gogledd Cymru a gogledd Powys.

Mae'r grŵp yn cynnwys dau is-gwmni, Canllaw a Gofal a Thrwsio Conwy a Sir Ddinbych. Mae ein gwasanaethau yn cynnwys gwasanaethau cymunedol ac atal digartrefedd.

Mae cymuned wrth wraidd popeth â wnawn. Rydyn ni'n gweithion galed i ddarparu tai diogel, o safon, a gwasanaethau rhagorol. Rydyn ni'n cyfrannu at ddatblygu cymunedau cynaliadwy a hyrwyddo'r iaith a diwylliant Cymraeg gyda balchder.

Gyda dros 300 o aelodau staff, rydyn ni'n rhoi iechyd a lles ein pobl yn flaenllaw, gan adeiladu Lle i Berthyn i bawb.

Rydym yn chwilio am unigolyn angerddol a gofalgar i ymuno â’n tîm. Mae hwn yn gyfle cyffrous i’r person cywir a rhywun sy’n ffynnu mewn amgylchedd heriol ac yn awyddus i wneud gwahaniaeth.

Fel Pennaeth Cyfathrebu a Materion Cyhoeddus byddwch yn darparu arweinyddiaeth strategol ar gyfer swyddogaethau cyfathrebu, cysylltiadau cyhoeddus, brand, cyfryngau, ymgyrch ac ymgysylltu â rhanddeiliaid Grŵp Cynefin.

Bydd y rôl yn cryfhau proffil, enw da ac effaith y sefydliad drwy gyfathrebu clir, cynhwysol ac effeithiol gyda thenantiaid, cwsmeriaid, cydweithwyr, cymunedau, partneriaid, cyllidwyr, Llywodraeth Cymru, y cyfryngau a rhanddeiliaid ehangach

Bydd deiliad y swydd yn arwain datblygu, gweithredu ac adolygu strategaethau, polisïau, ymgyrchoedd, fframweithiau negeseuon, protocolau cyfryngau a threfniadau cyfathrebu argyfwng, gan sicrhau bod gweithgarwch yn cyd-fynd â'r Cynllun Corfforaethol, gwerthoedd sefydliadol, ymrwymiadau dwyieithog, gofynion rheoleiddiol ac anghenion tenantiaid a chymunedau

Dylai eich gwerthoedd adlewyrchu ein gwerthoedd ni.

Os oes gennych yr ysfa a’r angerdd i fod yn allweddol wrth wneud gwahaniaeth i ddyfodol pobl, hon yw’r swydd i chi.

Os hoffech sgwrs pellach am y swydd, cysylltwch â Nerys Price-Jones, Cyfarwyddwr Pobl a Diwylliant ar 0300 111 2122.

Y Pecyn

Math o gytundeb: Parhaol

Cyflog: Cystadleuol hyd £65,000 y flwyddyn

Lleoliad: Dinbych a Penygroes / Gweithio o adre

Oriau Gweithio: 35 awr yr wythnos

Gwyliau: 30 diwrnod o wyliau blynyddol pro rata y flwyddyn ynghyd â'r gwyliau banc statudol a'r cyfnod rhwng y Nadolig a'r Flwyddyn Newydd

Teithio: Hanfodol

Pensiwn: Mae Grŵp Cynefin yn cynnig darpariaeth pensiwn trwy Gynllun Social Housing Pension Scheme (SHPS)

Mae'r gallu i gyfathrebu yn y Gymraeg ar Saesneg i safon uchel yn hanfodol ar gyfer y swydd hon

Disgrifiad Swydd DS Pennaeth Cyfathrebu a Materion Cyhoeddous 10.26.pdf

JD Head of Communication and Public Affairs 10.26.pdf

Buddiannau Pecyn Buddion.pdf Benefits Package.pdf

Datblygiad Personol:

Os oes gennych gymwysterau proffesiynol a’ch bod yn talu ffioedd proffesiynol blynyddol i’ch corff aelodaeth, byddwn yn talu un o’r rhain bob blwyddyn i’ch helpu i aros yn gysylltiedig â’r wybodaeth a’r addysg ddiweddaraf gan eich corff proffesiynol. Rydyn ni hefyd eisiau i’n holl gydweithwyr fwynhau buddion dysgu gydol oes, felly os ydych chi’n gweithio gyda ni byddwn ni’n buddsoddi ynoch chi fel hyn hefyd!

Dogfennau a Dyddiadau Perthnasol

Hysbysiad Preifatrwydd Ymgeisydd Swydd.pdf Privacy Notice Job Applicant.pdf

Canllawiau cwblhau cais.pdf Guidelines for completing your application.pdf

Dyddiad y cyfweliadau: 2 a 3 Tachwedd 2026

Byddwn yn cysylltu â chi drwy e-bost i roi gwybod i chi a ydych wedi cyrraedd y rhestr fer. Cofiwch wirio'ch ffolder Sothach (junk) neu Sbam rhag ofn bod ein neges yn cael ei hidlo yno.

Gwiriad y Gwasanaeth Datgelu a Gwahardd (DBS)

Byddwn yn gofyn i'r ymgeisydd llwyddiannus gwblhau gwiriad Sylfaenol gwahardd ar gyfer y swydd hon.