Communications Officer in Cardiff

Contract cyfnod penodol o 18 mis £30k pro rata y flwyddyn. Mae gan Gomisiwn Dylunio Cymru negeseuon pwysig i’w rhannu a chyfoeth o straeon i’w hadrodd - mae arnom angen rhywun sy’n gallu dod â’r rhain yn fyw i amrywiaeth o gynulleidfaoedd.

Mae rôl y Swyddog Cyfathrebu yn swydd newydd a fydd yn chwarae rhan allweddol yn y gwaith o sefydlu strategaeth gyfathrebu a chreu cynnwys yn seiliedig ar y gwaith mae Comisiwn Dylunio Cymru yn ei wneud i hyrwyddo dylunio da yn yr amgylchedd adeiledig.

I gyflawni’r swydd hon, bydd gennych brofiad o gyfathrebu corfforaethol a byddwch yn gallu ymgysylltu drwy amrywiaeth o gyfryngau a sefydlu llais ar gyfer sefydliad. Bydd y Swyddog Cyfathrebu yn chwarae rhan allweddol mewn tîm bach o staff a rhaid iddo neu iddi allu gweithio’n agos gyda chydweithwyr a phartneriaid eraill i ddarparu gwasanaethau o ansawdd uchel gydag adnoddau cyfyngedig.

• Datblygu strategaeth gyfathrebu ar gyfer y sefydliadau, sy’n nodi’r amrywiaeth o gynulleidfaoedd, dulliau cyfathrebu a rhaglen gyflawni.
• Creu cynnwys ar gyfer sianeli cyfathrebu gwahanol gan gynnwys gwefan, tudalen LinkedIn a chylchlythyr Comisiwn Dylunio Cymru ac unrhyw adnoddau priodol eraill yn seiliedig ar y gwaith a wneir gan Gomisiwn Dylunio Cymru.
• Olrhain sylw yn y cyfryngau, ymateb i ohebiaeth a darparu dadansoddiad i fwydo’n ôl i’r strategaeth gyfathrebu.
• Ymgysylltu â rhanddeiliaid i gasglu adborth a fydd yn sail i ffocws gweithgareddau yn y dyfodol.
• Rheoli’r gwaith o gynhyrchu Adroddiad Blynyddol Comisiwn Dylunio Cymru gan gydweithio â’r Prif Weithredwr a’r Cadeirydd.
• Pan fo’n briodol, ymgysylltu â’r cyfryngau gydag erthyglau ac ymateb i ddigwyddiadau a/neu reoli adegau o argyfwng i ddiogelu enw da’r sefydliad.
• Sicrhau bod holl gynnwys y wefan yn bodloni gofynion hygyrchedd cyfredol.

Dyletswyddau Ychwanegol:

• Darparu cymorth i baratoi a chynnal digwyddiadau Comisiwn Dylunio Cymru.
• Cefnogi’r gwaith o ddarparu’r Gwasanaeth Adolygu Dyluniadau.
• Cynhal yn cofnodion, dogfennau a systemau adrodd effeithiol ar gyfer defnydd mewnol ac allanol.
• Pan fo angen, paratoi ar gyfer cyfarfodydd/digwyddiadau Comisiwn Dylunio Cymru a mynd iddynt.

Priodoleddau Hanfodol:

• Greddf ar gyfer cyfathrebu da, meithrin perthynas a dylanwadu ar eraill.
• Agwedd broffesiynol tuag at feithrin perthynas â chydweithwyr a rhanddeiliaid.
• Agwedd hyblyg a chydweithredol ac yn gallu dangos barn gadarn.
• Y gallu i feddwl a gweithredu’n strategol er mwyn cael dylanwad cadarnhaol a gwerth ychwanegol.

Profiad a Sgiliau:

• O leiaf dwy flynedd o brofiad perthnasol ym maes cyfathrebu, marchnata neu faes cysylltiedig.
• Gradd neu gymhwyster cyfatebol mewn cysylltiadau cyhoeddus, cyfathrebu â’r cyfryngau, marchnata neu bwnc perthnasol arall.
• Byddai’r gallu i gyfathrebu yn Gymraeg o gymorth i ddeiliad y swydd.
• Sgiliau cyfathrebu rhagorol i gyfleu negeseuon allweddol i amrywiaeth o gynulleidfaoedd.
• Profiad o sefydlu a rhoi strategaeth gyfathrebu ar waith ar gyfer sefydliad proffesiynol.
• Yn gyfarwydd â llwyfannau cyfryngau cymdeithasol, systemau rheoli cynnwys ac offer cyfathrebu digidol eraill.
• Gallu dehongli gwybodaeth wahanol a chreu amrywiaeth o gynnwys mewn fformatau gwahanol.
• Mae profiad a gwybodaeth o’r diwydiant amgylchedd adeiledig a/neu sefydliadau’r sector cyhoeddus yn ddymunol.
• Sgiliau trefnu, cyflwyno a TG rhagorol a bod yn hunangynhaliol o ran gwaith gweinyddol.
• Effeithlon, llawn cymhelliant ac yn gallu gweithio dan bwysau, gan gefnogi cydweithwyr mewn tîm bach a chael cefnogaeth ganddynt.
• Lefel uchel o egni, brwdfrydedd, blaengaredd a hunangymhelliant.
• Y gallu i fod yn llysgennad effeithiol ar ran y Comisiwn a’i waith, gan ysgogi eraill a chreu consensws.
• Trwydded yrru gyfredol, lawn.

Cau'r cais am 5pm Dydd Iau 2 Gorffennaf 2026.