Cyfarwyddydd Cyflwyno Gwasanaethau (Dyddiad Cau 11/02/2026) in Deeside

Gyrfa Cymru

Cyfarwyddydd Cyflwyno Gwasanaethau

Cyflog: £82,947 i £91,308

Math o gontract: Parhaol

Oriau: Llawn amser (37 awr yr wythnos)

Lleoliad: Cymru (gyda chylch gwaith cenedlaethol)

Canolfan: I’w benderfynu ar ôl penodi (un o\’n canolfannau Gyrfa sydd ym mhob ardal awdurdod lleol yng Nghymru).

Dyddiad Cau: Hanner nôs 11/02/2026

Cyflwyniad

Ydych chi\’n arweinydd sydd â gweledigaeth, sy’n barod i ddylanwadu ar ddyfodol cyfarwyddyd gyrfa a chymorth ledled Cymru? Mae Gyrfa Cymru yn chwilio am Gyfarwyddydd Cyflwyno Gwasanaethau i ysgogi arloesedd, hyrwyddo trawsnewid strategol, a darparu gwasanaethau sy\’n arwain y sector gan wneud gwahaniaeth gwirioneddol i fywydau pobl.

Yn y rôl hon byddech yn:

· Darparu arweinyddiaeth glir a strategol ac yn cydweithio ar draws pob maes o\’r cwmni

· Gyrru gwelliant busnes parhaus ac yn diogelu ein modelau gweithredu i’r dyfodol

· Cynrychioli Gyrfa Cymru yn genedlaethol a thu hwnt, gan adeiladu cysylltiadau dylanwadol gyda rhanddeiliaid

· Hyrwyddo\’r Gymraeg ac arwain ar strategaeth y Gymraeg gan gyfrannu at Gymraeg 2050

· Goruchwylio\’r gwaith o gyflwyno ein Cynllun Cydraddoldeb Strategol a meithrin diwylliant o ddiogelu

· Sicrhau bod ein strategaethau yn cefnogi nodau Llywodraeth Cymru ar gyfer cynhwysiant cymdeithasol a lles

Gofynion y Gymraeg:

Mae Gyrfa Cymru yn sefydliad dwyieithog ac mae sgiliau Cymraeg yn cael eu hystyried yn gaffaeliad i\’r sefydliad. Rydyn ni’n annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle.

Mae\’r gallu i siarad Cymraeg yn ddymunol ar gyfer y swydd hon. Bydd disgwyl i ymgeiswyr llwyddiannus nad ydyn nhw’n siarad Cymraeg weithio tuag at ddatblygu\’r sgiliau hyn.

Pam Gyrfa Cymru?

Mae Gyrfa Cymru yn is-gwmni sy\’n eiddo llwyr i Lywodraeth Cymru. Rydyn ni’n darparu gwasanaethau cyfarwyddyd gyrfa ac annog hanfodol, pob oedran, annibynnol, diduedd a dwyieithog yng Nghymru, gan gynnwys rhaglen Cymru’n Gweithio. Byddwch yn ymuno â sefydliad dynamig sydd ar flaen y gad o ran cyfarwyddyd gyrfa, ac yn gweithio gyda chydweithwyr talentog i ddarparu gwasanaethau arloesol, effeithiol. Rydyn ni’n cynnig amgylchedd cefnogol lle bydd eich syniadau a\’ch arweinyddiaeth yn helpu i lunio dyfodol unigolion a chymunedau ledled Cymru.

Buddion

Buddion deniadol gan gynnwys gweithio ystwyth, amser hyblyg, 31 diwrnod o wyliau blynyddol, cynllun pensiwn buddion wedi\’u diffinio, a chynllun arian yn ôl sy\’n gysylltiedig ag iechyd.

Barod i wneud gwahaniaeth?

Gwnewch gais nawr i fod yn Gyfarwyddydd Cyflwyno Gwasanaethau a helpwch ni i adeiladu dyfodol mwy disglair i Gymru.

Am ragor o wybodaeth am y rôl, cymerwch gip ar y disgrifiad swydd yma: Cyfarwyddydd Cyflwyno Gwasanaethau

Er mwyn gwneud cais, mae\’n ofynnol i chi lenwi ychydig o gwestiynau ynglŷn â\’ch manylion personol, yn ogystal â chyflwyno CV a llythyr eglurhaol. Dylai’ch llythyr eglurhaol fanylu ar sut mae’ch cymwysterau, sgiliau, nodweddion a phrofiad yn bodloni\’r meini prawf hanfodol ar gyfer y rôl, a fanylir yn y disgrifiad swydd. Ni ddylai’ch llythyr eglurhaol fod yn fwy na 2 dudalen o hyd.

Mae Gyrfa Cymru yn gweithredu system recriwtio dienw ac ni fydd y panel dethol yn gweld gwybodaeth bersonol wrth dynnu rhestr fer, yn unol â\’n hymrwymiad i roi terfyn ar ragfarn a hyrwyddo cydraddoldeb ac amrywiaeth. Peidiwch â chynnwys unrhyw fanylion personol ar eich CV neu lythyr eglurhaol.

Dylid cyflwyno ceisiadau erbyn hanner nôs 11/02/2026.

Cynhelir asesiad ysgrifenedig ar 25/02/2026.

Bydd cyfweliadau yn cael eu cynnal ar 02/03/2026 a 03/03/2026.

Ewch i wefan recriwtio Gyrfa Cymru i gael manylion ein swyddi gwag. Gallwch hefyd ddarganfod mwy amdanom ni, ein polisi cyflogaeth a\’n telerau ac amodau.

Yn Gyrfa Cymru, rydyn ni’n ffynnu ar amrywiaeth a chynhwysiant. Credwn fod sefydliadau â gweithlu amrywiol yn gwneud penderfyniadau gwell, yn fwy creadigol, yn gryfach, ac yn hapusach yn gyffredinol. Mae amrywiaeth a chynhwysiant yn drawsnewidiol, gan gyfrannu at gyflwyno gwasanaethau cyhoeddus rhagorol ac at alluogi gwelliannau parhaus i bobl Cymru. Rydyn ni wedi ymrwymo i gael gweithlu sy\’n cynrychioli’r dinasyddion rydyn ni\’n eu gwasanaethu ym mhob gradd swydd.

Croesewir ceisiadau yn Gymraeg neu Saesneg. Ni fydd cais a wneir yn Gymraeg yn cael ei drin yn llai ffafriol na chais a wneir yn Saesneg. Ni fydd unrhyw ymgeisydd am swydd yn derbyn triniaeth lai ffafriol ar sail oedran, anabledd, rhywedd a statws trawsryweddol, hil ac ethnigrwydd, crefydd a chred (gan gynnwys dim cred), statws priodas neu bartneriaeth sifil, statws economaidd, neu gyfeiriadedd rhywiol. Ein nod yw hyrwyddo amgylchedd sy\’n rhydd o bob math o wahaniaethu, gan drin pobl yn deg gydag urddas a pharch.