Darlithydd Chwaraeon Cyfryngau a Darlledu (2526647) in Cardiff

Os oes gennych hanes o gyraeddiadau sy'n dangos yr ymrwymiad, y gallu a’r brwdfrydedd i gyfrannu at ein cymuned ddysgu fyd-eang trwy addysgu, ysgolheictod, ymchwil ac arloesi rhagorol, ynghyd ag angerdd a rennir am ein gwerthoedd a'n gweledigaeth, edrychwn ymlaen at dderbyn eich cais. Rydym yn arbennig o awyddus i glywed gan, ac i gefnogi, ymgeiswyr a fydd yn helpu i ddatblygu ein statws ymchwil ac a fydd yn gwella amrywiaeth ein prifysgol, ein cymuned a'n partneriaethau.

Y cyfle

Mae Ysgol Chwaraeon a Gwyddorau Iechyd Caerdydd yn chwilio am weithiwr proffesiynol darlledu chwaraeon profiadol i ymuno â'n tîm fel Darlithydd mewn Cyfryngau Chwaraeon a Darlledu (0.5 FTE). Mae hwn yn gyfle gwych i ymgeisydd sydd â phrofiad diwydiant cryf mewn darlledu chwaraeon, ac arbenigedd technegol mewn cyn-gynhyrchu ac ôl-gynhyrchu, i lunio'r genhedlaeth nesaf o dalent yn y maes. Byddwch yn addysgu ar draws ein rhaglenni cyfryngau chwaraeon israddedig ac ôl-raddedig, gan ddod â sgiliau darlledu go iawn i'r ystafell ddosbarth tra'n cyfrannu at ddatblygu'r cwricwlwm, ymchwil, a dysgu proffesiynol yn eich maes arbenigol.

Prif ddyletswyddau a chyfrifoldebau

Bydd gofyn ichi wneud cyfraniad sylweddol at ddarpariaeth ein portffolio a addysgir gan gyfrannu at gyflwyno’r BSc (Anrh) Cyfryngau Chwaraeon ac MSc Darlledu Chwaraeon a meysydd eraill ein cwricwlwm craidd yn dibynnu ar eich meysydd arbenigedd a phrofiad.

Yn frwdfrydig am addysgeg sy’n canolbwyntio ar fyfyrwyr, byddwch yn cyfrannu at y gwaith o gyflwyno addysg, gan gynnwys rheoli rhaglenni yn ôl yr angen, ar draws y casgliad o raglenni israddedig ac ôl-raddedig. Byddwch hefyd yn gwneud cyfraniad sylweddol at gyflogadwyedd, ac ymgysylltu proffesiynol â sefydliadau mewnol ac allanol perthnasol, ar lefel ranbarthol, genedlaethol a rhyngwladol.

Disgwylir ichi gyfrannu at broffil ymchwil yr adran a chwrdd â'r gofynion ansoddol a meintiol ar gyfer cyflwyno i'r Fframwaith Rhagoriaeth Ymchwil nesaf.

Beth rydym yn chwilio amdano

• Lefel dda o wybodaeth sy'n berthnasol i'r pwnc a'r maes proffesiynol.
• Dealltwriaeth gadarn o addysgeg.
• Dealltwriaeth gadarn o ymchwil/arloesi a gweithgarwch ysgolheigaidd.
• Y gallu i ddatblygu rhaglenni addysgu a/neu ymchwil a darparu cymorth dysgu.
• Y gallu i ddylunio deunydd addysgu a dysgu.
• Y gallu i ddefnyddio dulliau asesu priodol.
• Y gallu i nodi meysydd i'w gwella a defnyddio menter a sgiliau datrys problemau i wella perfformiad.
• Y gallu i gyfleu a lledaenu syniadau cymhleth a chysyniadol mewn amryw o ffyrdd - cyflwyniadau mewn cynadleddau, adroddiadau ar ganfyddiadau, cyhoeddiadau, adborth ac ati.
• Profiad o addysgu AU neu gyfatebol.
• Profiad o ddarparu arweinyddiaeth academaidd a chymorth llinell gyntaf/mentora i gydweithwyr eraill.
• Gradd anrhydedd dda.
• Profiad priodol yn y diwydiant
• Y gallu i ennill Statws Cymrawd fel rhan o gynllun Cydnabyddiaeth Broffesiynol yr Academi Addysg Uwch, o fewn amserlenni y cytunwyd arnynt (cyn gynted ag y bo hynny'n ymarferol bosibl ac yn bendant cyn pen tair blynedd o ddechrau eich cyflogaeth).

Byddwch yn weithiwr proffesiynol brwdfrydig a chyfeillgar gyda sgiliau cyfathrebu a rhyngbersonol rhagorol ynghyd ag ymrwymiad i ddarparu profiad rhagorol i fyfyrwyr. Mae proffil ymchwil sefydledig neu addawol a phrofiad addysgu da iawn ar raglenni perthnasol yn hanfodol.

Er mwyn llwyddo, byddwch yn cyfoethogi profiad ein myfyrwyr ymhellach drwy eich arbenigedd a'ch gwybodaeth bwnc fel yr amlygir gan eich cymwysterau a'ch profiad.

Dyddiad Cau: 01 Sep 2026

Ysgol/Uned: Academaidd

Cyflog: £46,049 to £51,753 y flwyddyn pro rata

Parhaol