Rheolwr/wraig Adeilad, Cadwraeth a Pheirianneg / Building, Conservation and Engineering Manager in Cardiff

Cyflog: £42,910 - £45,610 y flwyddyn

Oriau Gwaith: 35 awr yr wythnos

Math o Gytundeb: Parhaol

Mae CMC yn gartref i’r celfyddydau yng Nghymru, ac yn grochan o greadigrwydd i’r genedl. Rydyn ni’n tanio’r dychymyg drwy guradu cynyrchiadau teithiol arobryn o’r radd flaenaf – o sioeau cerdd i gomedi a dawns, cabaret a gŵyl ryngwladol. Rydyn ni’n meithrin doniau newydd gyda’n gweithiau ffres, pryfoclyd a phoblogaidd, wedi eu gwreiddio yn niwylliant ein gwlad. Ac rydyn ni’n ennyn angerdd pobl ifanc dros y celfyddydau, gan roi iddynt gyfleoedd dysgu sy’n newid eu bywydau ac yn rhoi cyfle iddynt ddisgleirio.

Mae'r tîm Gweithrediadau Busnes yn gofalu am seilwaith a gwasanaethau adeilad eiconig Canolfan Mileniwm Cymru. Mae'r tîm yn gwella effeithlonrwydd ynni a chynaliadwyedd yr adeilad yn barhaus er mwyn diogelu'r tirnod hwn ar gyfer cenedlaethau'r dyfodol. Ar ddechrau 2025, llwyddodd y tîm i gyflawni achrediad ISO14001 mewn rheolaeth amgylcheddol gan gydnabod y gwaith gwych a wnaed hyd yma.

Ynglŷn â’r Rôl a’r Cyfrifoldebau

Gan adrodd i'r Pennaeth Gweithrediadau Busnes, byddwch yn gyfrifol am reoli Cynllun Rheoli Asedau Cyfalaf CMC i sicrhau bod yr asedau'n cael eu cynnal a'u cadw'n gynaliadwy a'u gweithredu'n effeithlon. Byddwch yn rheoli prosiectau cyfalaf a di-gyfalaf, naill ai'n uniongyrchol neu wedi'u dirprwyo i gontractwyr allanol, gan hwyluso diffiniad prosiectau o ran cwmpas, nodau a chyflawniadau, yn diffinio gofynion o ran adnoddau ac yn datblygu cynlluniau prosiectau ar raddfa lawn, rheoli cyllidebau prosiectau a monitro cynnydd. Byddwch yn cyfarwyddo strategaeth rheoli ynni CMC, gan gynnwys gosod targedau cyfleustodau, monitro a thargedu yn erbyn dangosyddion perfformiad allweddol a gytunwyd ymlaen llaw, a hyrwyddo technoleg effeithlon o ran ynni lle bynnag y bo modd. Bydd disgwyl i chi ddarparu gwybodaeth arbenigol am beirianneg y safle yn ôl yr angen er mwyn cynnal parhad peirianneg, gan sicrhau bod llawlyfrau gweithredu a chynnal a chadw, lluniadau safle a dogfennaeth beirianneg yn cael eu harchifo i sicrhau cynaliadwyedd yr adeilad yn y dyfodol. Gall eich rôl fod yn amodol ar wiriad DBS.

Gofynion Allweddol

• Bydd gennych radd mewn peirianneg a/neu arbenigedd peirianneg cyfatebol a gafwyd mewn amgylchedd adeiladu.
• Bydd gennych brofiad amlwg o reoli a chyflawni cynllun Capital 50.
• Sgiliau rheoli ariannol a chyllidebol profedig.
• Bydd gennych wybodaeth gadarn am gyflawni mentrau cynaliadwy ac ecogyfeillgar i gefnogi strategaeth gynaliadwyedd CMC.
• Y gallu i gydweithio'n rhagweithiol ag ystod eang o bartneriaid CMC, yn fewnol ac yn allanol.

Gwnaetholi Buntyd

• 25 diwrnod o wyliau blynyddol ynghyd â gwyliau banc, yn seiliedig ar wythnos 35 awr, pro rata ar gyfer rhan amser.
• Cynllun pensiwn sy’n uwch na’r statudol.
• Gwell absenoldeb mamolaeth, tadolaeth, mabwysiadu, a rhiant a rennir (yn amodol ar hyd gwasanaeth).
• Cynllun arian iechyd: derbyn arian tuag at ofal deintyddol ac optegol, triniaethau cyflenwol megis triniaethau ceiropracteg, osteopathig ac aciwbigo.
• Aelodaeth Cymorth Feddygol sy'n cynnwys mynediad o bell at Feddyg Teulu, cwnsela, a sesiynau ffisiotherapi.
• Rhaglenni cymorth i weithwyr sy'n cynnwys mynediad at wasanaethau cymorth ar gyfer pryderon cyfreithiol, ariannol a theuluol.
• Yswiriant bywyd o 4 x cyflog blynyddol.
• Cyfle i wneud cais am docynnau ar gyfer cynyrchiadau.
• CLWB – ein grŵp cymdeithasol ar gyfer cyflogeion.
• NEWID – ein grŵp rhwydweithio Cydraddoldeb, Amrywiaeth a Chynhwysiant sydd yn cwrdd yn fisol i drafod syniadau newydd a chyfleoedd hyfforddi i wella pob agwedd ar gyflogaeth yn y Ganolfan.
• Gwersi Cymraeg am ddim ar lein.
• Parcio am £5 am ddiwrnod cyfan ar ddiwrnodau gwaith a phan nad ydych yn gweithio.
• Wythnos waith 35 awr gan gynnwys polisi oriau hyblyg i gynorthwyo gydag amseroedd cychwyn a gorffen amrywiol o amgylch ymrwymiadau personol (ac anghenion gweithredol).