Digitisation Team Leader (DiSSCo UK | West) in Cardiff

Arweinydd Tîm Digido (DiSSCo UK | Gorllewin), Amgueddfa Genedlaethol Caerdydd / Digitisation Team Leader (DiSSCo UK | West), National Museum Cardiff

Math o swydd wag - Tymor Sefydlog / Llawn Amser

Dyddiad Cau: 22 Medi 2026

Dewch i chwarae rôl flaenllaw yn un o'r rhaglenni digido mwyaf arwyddocaol yn y gwyddorau naturiol y mae'r Deyrnas Unedig erioed wedi'i chynnal. A chithau’n Arweinydd y Tîm Digido yn Amgueddfa Cymru, byddwch yn goruchwylio tîm o Ddigidwyr, gan weithio'n agos gyda Rheolwr y Project a'r staff curadurol i sicrhau gwaith digido cyson, o ansawdd uchel, ar ein casgliadau herbariwm ac entomoleg. Yn ymarferol ac yn dechnegol hyderus, byddwch yn arwain cydweithwyr, yn cynnal safonau delweddu, ac yn helpu i yrru'r rhaglen ymlaen — gan gwneud cyfraniad parhaol at y ffordd y mae ymchwilwyr ledled y byd yn cyrchu ac yn defnyddio casgliadau gwyddorau naturiol Cymru.

Mae'r rôl hon yn rhan o broject DiSSCo-UK, a ariennir gan UKRI. Mae Disco UK (System Ddosbarthedig Casgliadau Gwyddonol) yn rhaglen genedlaethol 10 mlynedd werth £155 miliwn i ddigido a chysylltu casgliadau gwyddorau naturiol y Deyrnas Unedig, a ddarperir gan Gyngor Ymchwil y Celfyddydau a'r Dyniaethau (AHRC) UKRI mewn partneriaeth â'r Amgueddfa Hanes Natur a mwy na 100 o bartneriaid ledled y Deyrnas Unedig. Mae'r swydd hon yn gysylltiedig â cham cyntaf y project yn Amgueddfa Cymru, sef Hyb Arweiniol consortiwm Disco UK | Gorllewin, sy'n cynnwys Cymru, de-orllewin Lloegr a Gogledd Iwerddon.